POP 5

Lajmet më të lexuara të 5 minutave të fundit

Kosova & Rajoni

Dy kryeministra evropianë pritet të vizitojnë Kosovën! Në fokus të diskutimeve tensionet në veri dhe liria e mediave

Kryeministri i Holandës, Mark Rutte, do të vizitojë Kosovën dhe Serbinë në fillim të muajit të ardhshëm për të diskutuar mbi situatën e tensionuar mes Kosovës dhe Serbisë, por edhe për lirinë e medias.

Dy kryeministra evropianë pritet të vizitojnë Kosovën! Në fokus të diskutimeve tensionet në veri dhe liria e mediave

Mark Rutte dhe Xavier Bettel

Kryeministri i Holandës, Mark Rutte, do të vizitojë Kosovën dhe Serbinë në fillim të muajit të ardhshëm për të diskutuar mbi situatën e tensionuar mes Kosovës dhe Serbisë, por edhe për lirinë e medias.

Këtë e ka bërë të ditur qeveria holandeze, përmes një njoftimi zyrtar ku thuhet se kryeministri do të shoqërohet nga homologu i tij nga Luksemburgu, Xavier Bettel.

Në fokus të këtij takimi do të jenë tensionet mes Kosovës dhe Serbisë, si dhe liria e medias për të pasqyruar situatën aktuale tek qytetarët.

“Kryeministri Rutte do të vizitojë Serbinë dhe Kosovën të hënën më 3 korrik dhe të martën më 4 korrik së bashku me kryeministrin e Luksemburgut, Xavier Bettel. Vizita ofron një mundësi për të diskutuar tensionet e ngritura mes Serbisë dhe Kosovës dhe rëndësinë për de-përshkallëzim dhe përkushtim ndaj dialogut të udhëhequr nga BE-ja për normalizim të raporteve”, thuhet në njoftim.

Rutte dhe Bettel më 4 korrik do të qëndrojnë në Kosovë, ku do të takojnë presidenten Vjosa Osmani e kryeministrin Albin Kurti nga krerët e shtetit, me të cilët do të diskutojnë, mes tjerash, zhvillimet e fundit në rajon dhe luftën në Ukrainë.

“Vizita do të përfundojë me një bisedë me përfaqësues të OJQ-ve në Kosovë në fushën e lirisë të mediave dhe LGBTIQ+”, thuhet në njoftim.

Ka disa ditë që qeveria e Kosovës, ka marrë një vendim për shfuqizim të certifikatës biznesore të Klan Kosova sh.p.k. Për këtë ka reaguar mbrëmë, ambasadori amerikan, Jeff Hovenier, i cili tha se është duke e ndjekur nga afër këtë zhvillim, duke u shprehur i bindur se veprimtaria e Klan Kosovës do të vazhdojë, e papenguar.

Veç ambasadorit, të shqetësuar janë shprehur edhe shumë kolegë të tij diplomatë të akredituar në Kosovë, por edhe organizata vendore e ndërkombëtare që merren me lirinë e shprehjes.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça