Rama ironizon “mosbindjen civile”: Manifestim politik për pushtet! Dy protesta ka pasur Shqipëria, atë të armëve kimike dhe studentëve

Promovimi i arsimit profesional dhe nxitja e të rinjve të shkojnë drejtë kësaj rruge që i çon  në një treg pune të sigurtë mbetet një sfidë. Një sfidë është edhe ajo për të ndërgjegjësuar prindërit që të mos çojnë fëmijët në universitet nëse ky i fundit nuk është për atje.

Në podcastin “Flasim” me Gentjan Shaqirin, piloti shqiptar që mund të shkruajë historinë duke u shpallur kampion në FIA CEZ në garën Hill Climb biseda u përqëndrua tek të rinjtë.

Shaqiri tha se një pjesë e të rinjve e shohin politikën si mundësi për të vijuar karrierën e tyre.

Për këtë Rama kishte një koment ndërsa i këshillon të rinjtë se kjo është një iluzion, pasi tashmë po ndryshon struktura si funksionon administrata.

"Fillojnë të merren me politikë se mendojnë hajde se po kapim ndonjë gjë në politikë duke u lidhur me një parti apo tjetër por është thjesht një iluzion se nuk funksionon.

Jo vetëm po ndryshon struktura si funksionon administrate. Nuk është më siç ka qenë më përpara. Ka një pjesë që akoma për të qarë hallin dhe një pjesë tjetër për të qenë krenarë dhe një përfaqësi e saj bëri procesin e hapjes së negociatave me BE-në. Nderoi Shqipërinë atje se morëm vlerësime maksimale në ballafaqimin e parë teknik se do të kishim dalë skifo nëse nuk do I kishim këta njerëz"

Duke vënë theksin tek arsimi profesional Rama thotë se duhen politika të reja për ti dekurajuar prindërit që ti çojnë në universiteti kur fëmija nuk është për atje.

"Gjëra e dytë që ka filluar të ndryshojë dhe që aty duhet ë bëjmë shumë më tepër e duhet të bashkëpunojmë më shumë me universitetet për ti dekurajuar prindërit që ti çojnë në universiteti kur fëmija nuk është për atje. Jo se fëmija është më pak i zgjuar por se ka të tjera interesa dhe një tjetër situatë, të shkojë në arsimin professional.Ajo sjell tjetër. Sic këta më të mirët integrohen në tregun e punës, dhe ata të tjerët ngelen rrugëve thonë kam një diplomë ekomoniku që nuk I duhet dreqit, e kundërta ndodh me ata të arsimit profesional. Pjesa dërrmuese integrohen në punë.

Efekti tjetër që do të ndihet në vitet e ardhshme siç ata që nuk janë për auditor e fillojnë po merren në politikë të kap ndonjë gjë, këta të arsimit profesional do të nisin të bëjnë bizneset e tyre. Jo thjesht do të vihen në shërbim të dikujt por do të bëjnë bizneset e tyre. Në këtë sens jemi në udhëkryq" tha Rama. 

Kryeministri Edi Rama deklaron se “jemi në hapin e fundit përpara firmosjes” për sjelljen e Formula 1 në Shqipëri.  Automotoparku që po ndërtohet në Elbasan është koncept i cili na u vlerësua shumë nga Formula 1 tha Rama në podkastin “Flasim”  

Me realizimin e këtij projekti Shqipëria do jetë i pari vend në historinë e “Formula 1” që nuk i ka parametrat ekonomike për të qenë në “Formula 1”.

“Pra do të jemi i pari vend në zhvillim që hyn në ‘Formula 1’ dhe ky është rezultat i asaj që ka ndodhur me Shqipërinë dhe me rritjen e reputacionit dhe respektit për Shqipërinë. Është rezultat i një pune të bërë në nivelin e gjithë atyre lidhjeve që ka mundësuar që njerëzit ta shohin Shqipërinë me sy tjetër. Mendoj që ne i kemi arritur këto por nuk them kurrë që mbaroi derisa s’ka mbaruar. Kjo për mua vlen për çdo punë. Jemi në hapin e fundit përpara firmosjes dhe me ndihmën e Zotit besoj do të ndodhi”, tha Rama.

Kryeministri vuri në dukje se projekti i paraqitur nga Shqipëria është vlerësuar shumë nga “Formula 1” pasi ka në fokus sigurinë rrugore.

Është koncept që na është vlerësuar shumë nga Formula 1. Nuk është thjesht një cirkuit për garën, është një park ku në zemër të aktivitetit do të jetë siguria rrugore, do të jetë destinacion për të edukuar njerëzit me sigurinë rrugore.

Me module trajnimi, edukimi, argëtimi, ky është momenti që e ka bërë projektin tonë atraktiv dhe na ka vendosur në sendiljen e parë, pasi kërkesat për të marrë Formula 1 janë nga të gjithë"

Rama beson se pista ‘Formula 1’ në Elbasan do të jetë një tjetër motor i fuqishëm për ekonominë shqiptare.

Është nga të gjitha sportet, që një garë e shikojnë 1 miliard njerëz. Kjo për Shqipërinë dhe Elbasanin, llogarit sa prej tyre mendojnë që vitin tjetër do të shkojnë në Shqipëri. Është sfiduese për infrastrukturën hoteliere, por është një motor ekonomie i shtuar për vendin.

Vetë pranon se nuk ka qenë dhe nuk do të jetë kurrë një tifoz i Formula 1

“Nuk jam tifoz i 4 rrotave, më kanë ftuar të shkoj në garat e Formula 1 dhe i kam refuzuar, më duket një absurd të rri atje por ia di vlerën dhe impaktin këtij sporti”

Në podkastin “Flasim” i ftuar ishte Gentjan Shaqiri kampion në sistemin e FIA-s për të gjithë zonën e Europës Qendrore në motorsport.