POP 5

Lajmet më të lexuara të 5 minutave të fundit

Sociale

Dy qiparisët unik në Fushë-Krujë, monumente të natyrës! Ish-inxhinieri i pyjeve: Janë mbjellë 800 vite më parë nga bektashinjtë

Qiparisët e Fushë-Krujës që ndodhen në oborrin e manastirit të bektashinjve janë monumente natyre me vlera të rralla. Historinë e këtyre drurëve e ka treguar për Report tv, ish-inxhinieri i pyjeve Muharrem Loka.

Në dalje të qytetit të Fushë-Krujës ndodhet Manastiri i Bektashinjve i themeluar nga Haxhi Bektash Horasani. Vendosur në mes një lëndine të madhe, vëmendjen e besimtarëve e vizitorëve e tërheqin dy selvie, ndryshe njihet dhe me emrin “qiparis”.

Ish- inxhinieri i Pyjeve, Muharrem Loka sot në pension na tregon se më i vjetri prej drurëve halorë është mbjellë 800 vite më parë, ka një lartësi prej 25 metrash dhe kurorë rreth 8 metra gjerësi.

“Është një dru pyjor shumë vjeçar i ardhur nga Lindja e Mesme. Mosha e kësaj selvie është 800 vjeçare. Kjo përkon edhe me ardhjen e misionarëve të parë bektashian në vendin tonë. Këtu vinin si bamirës, si priftërinj. Kam qenë unë i pari që e kam propozuar dhe qendron dhe mbrohet me ligj. Si ka ardhur. Legjendat dhe gojëdhënat janë: Bamirës e kanë sjellë farën e kësaj selvie nga krahina Horason, që shtrihet midis Afganistanit dhe Iranit”,- tha ish-inxhinieri.

Të veçantë këto drurë pyjore, njëherësh dhe monumente të natyrës duhet të jenë pjesë e guidave turistike.

“Është një dru interesant përveç moshës, edhe trungu është i jashtëzakonshëm. Është karakteristik dhe rast unikal për Shqipërinë. Po të shikohet seli shpatore e çuditshme, që jo vetëm neve por dhe vizitorë të ndryshëm që kanë ardhur janë çuditur. Ju ka tërhequr vëmendje. Nga karakteristika e trungut dhe zhvillimit. Këtë lloj druri, selvi, nuk e gjen në Shqipëri. Duhet të jetë pikë turistike. Sa herë e shikon këtu mbet i ccuditur. Institucionet fetar, i kanë bërë shërbim këtu”,- tha Loka. 

Selvitë janë përmendur ne shkrimet e të huajve që kanë vizituar vendin tonë. Mes tyre, Degradi, konsull i Francës në Shkodër, njëkohësisht dhe arkeolog i cili gjatë viteve 1900 i kanë quajtur fenomenalë.

K.M/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gastor Agalliu: 12/02/2024 08:17

    Informacion shume interesant per kete monument te natyres tone te bukur. Njekohesisht pergezoj inxhinierin e pyjeve Zotin Loka per kujdesin qe ka treguar dhe tregon per kete qiparis te vecante.

    Përgjigju
  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Kuvendi i Shqipërisë ndriçohet nga drita blu për Ditën Botërore të Autizmit! Spiropali: Më shumë mbështetje dhe dashuri për ta

Kuvendi i Shqipërisë ndriçohet nga drita blu për Ditën Botërore të Autizmit! Spiropali: Më shumë mbështetje dhe dashuri për ta

1 Prill, 22:04