POP 5

Lajmet më të lexuara të 5 minutave të fundit

Kronikë

Dy shqiptarët, ndër 18 personat
më të kërkuar në Britani

Dy shqiptarët Hysni Sokolaj 40 vjeç dhe Dritan Rexhepi, 32 vjeç janë në listën prej 18 personash të shpallur në kërkim, ku përfshihen persona me kombësi rumune, lituanze, turke, hungare dhe letoneze.
Dy shqiptarët, ndër 18 personat <br />më të kërkuar në Britani
BRITANI - Pas një operacioni të koduar “Sunfire 3” policia britanike ka shpallur listën e 18 personave të kërkuar, për vepra të ndryshme penale si vrasje, vjedhje dhe trafik droge. Dy shqiptarët Hysni Sokolaj 40 vjeç dhe Dritan Rexhepi, 32 vjeç janë në listën prej 18 personash të shpallur në kërkim, ku përfshihen persona me kombësi rumune, lituaneze, turke, hungare dhe letoneze.

Policia britanike dyshon se Sokolaj ndodhet në Leicester, kurse Rexhepi në zonën e Bedfordshire dhe Northamptonshire.

32-vjeçari Rexhepi është shpallur në kërkim pasi në vitin 2009 ka vrarë dy efektivë policie në Shqipëri. Ndërkohë që 40-vjeçari Hysni Sokolaj u denoncua pak vite më parë nga një vajzë fierake, e cila ishte detyruar nga Sokolaj që të punonte si prostitutë, edhe pse ishin të martuar.

Sipas kërkesës për gjykim në Gjykatën e Krimeve të Rënda, Sokolaj dhe e dëmtuara me iniciale E., janë larguar me gomone nga qyteti i Vlorës për në Itali. Më pas kanë shkuar në Francë e më tej në qytetin e Anversës. Kur Hysniu i ka thënë asaj se duhet të punonte si prostitutë, gruaja e tij e ka kundërshtuar, por më pas është rrahur nga ai. Gjatë periudhës 5-vjeçare që është shfrytëzuar si prostitutë nga Hysni Sokolaj, vajza ka mbetur 4 herë shtatzënë dhe më pas i ka abortuar fëmijët nga presioni i tij.

Policia britanike njofton se sapo këta persona të kapen do të ekstradohen në vendin e tyre, ndërkohë që hetuesi Roger Critchell shprehet se “këta persona që janë arratisur dhe fshihen këtu, janë një kërcënim për komunitetin. Ne i duam jashtë Britanisë”.

Policia njofton të gjithë shtetasit që të qëndrojnë larg këtyre personave, ndërsa ka vënë në dispozicion një numër telefoni për çdo informacion.

hysni sokolaj dritan rexhepi me logo
(Në foto Dritan Rexhepi dhe Hysni Sokolaj)

Redaksia online
(eç/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Reshje dëbore në Krujë, pamje spektakolare nga Parku Kombëtar i Qafë-Shtamës

Reshje dëbore në Krujë, pamje spektakolare nga Parku Kombëtar i Qafë-Shtamës

23 Dhjetor, 18:56