Presidenti Burjar Nishani ka shpallur fillimin e procedurave për emërimin e dy gjyqtarëve të rinj në Gjykatën Kushtetuese.

Afati për të paraqitur dokumentacionin e aplikimit pranë presidencës fillon nesër dhe përfundon më 8 prill.

Të interesuarit duhet të dorëzojnë dokumentacionin:
1- Kërkesë me shkrim;
2-Fotokopje të dëshmisë së arsimit të lartë juridik, Diplomë e Nivelit të Dytë (e noterizuar);
3- Përmbledhje të karrierës profesionale e shoqëruar me vërtetimet e lëshuara për çdo rast nga institucioni, ose organi ku ka ushtruar detyrën ose nga dhomat  kombëtare të avokatisë, noterisë, përmbarimit, etj;
4- Fotokopje të dokumentit të identifikimit (e noterizuar).

Hapja e garës për dy anëtarëve të rinj në Gjykatën Kushtetuese vjen pas përfundimit të mandatit të dy gjyqtarëve në këtë gjykatë.

Redaksia Online
(m.b/shqiptarja.com)