POP 5

Lajmet më të lexuara të 5 minutave të fundit

Kronikë

Dy vite nga tërmeti, Thumana në pritje të banorëve! Apartamentet shpërndahen për Krishtlindje! Shkolla e kopshti, të parët që presin banorët e rikthyer

2 vite pas tërmetit të 26 nëntorit, Report Tv ishte në Thumanë, aty ku ende asnjë banorë nuk është rikthyer të jetëojë në shtëpitë e reja. Kopshti dhe shkolla janë të vetmet godina që kanë jetë, ndërsa pallatet e reja janë drejt përfundimit. Pak prej banorëve, 2-vjetorin e kanë shfrytëzuar të shohin se si do e kenë shtëpinë e re.

Këta që shihni në pamje janë të vetmit banorë të rikthyer në lagjen që dy vite më parë rrënoi tërmeti i 26 nëntorit në Thumanë. Janë nxënësit e kopshtit dhe shkollës që kanë hapur dyert më herët se sa banesat e rindërtuara.

Ndryshe nga 1-vjetori i tragjedisë me viktima në Thumanë dhe përkujtimin zyrtar të tyre, të vetmit përfaqësues jo banorë sot në zonë ishin punëtorët e kompanive të ndërtimit që po u jepnin dorën e fundit punimeve në apartamente përpara dorëzimit.

Këto dy zonja janë prej banorëve që tragjedinë e tërmetit e përjetuan fatmirësisht pa viktima, por me banesa të rrënuara. Zonja Merita Jovani, shikon nga afër banesën e saj të re. Ajo shprehet se ka jetuar prej dy vitesh te vëllai i saj në Dibër. 

"Këtu është shtëpia ime e re, me tre dhoma. Kemi qenë tre pjesëtarë në familje. Do marrim shtëpinë e re, këtë kam pasur kismet, vetë e zgjodha shortin, ju falenderoj shumë. Do hyjmë kur të thotë kryeministri. Këto dy vite kam jetuar në Dibër tek vëllai im. Shtëpinë e mora me 12 nëntor. Vetëm e kemi parë për qejfin tonë."-tha një zonjë e cila së shpejti do futet në banesën e sajtë të re.

Shorti për ndarjen e banesave është hedhur më 12 nëntor, por kur do të ndahen çelësat ende nuk ka një datë. Por si janë shtëpitë e reja ku do të akomodohen banorët që prej dy vitesh u larguan sa tek të afërmit, sa me qira, e sa në hotele. E vetmja gjurmë e mbetur nga Thumana e vjetër është kjo kullë e cila nuk u prish as atëherë nga tërmeti dhe sot po kthehet në muze në respeket të viktimave dhe të tragjedisë.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Lidhjet ruse të Monika Kryemadhit, a duhet që drejtësia të nisë hetimet?

Lajme të tjera



×

Lajmi i fundit

Fatos Tarifa: Përgjigje reagimeve pas shkrimit tim për kryebashkiakun Veliaj

Fatos Tarifa: Përgjigje reagimeve pas shkrimit tim për kryebashkiakun Veliaj

2 Prill, 10:41 nga Fatos Tarifa