Dybala do të mbajë numrin 10
tek Juventus, Del Piero i uron fat

Paulo Dybala do të mbajë fanellën me numrin 10 tek Juventusit duke filluar nga sezoni i ri 2017-2018.
 
Argjentinasi do të trashëgojë fanellën që e ka bartur ikona e “Zonjës së Vjetër”, Alessandro Del Piero.
 
Del Piero ka shkruan në Twitter për Dybalan , ku i uron shumë fat dh eta shijojë fanellën si një juventin i vërtetë.
 
Reagimi I sulmuesit argjentinas ka qënë i menjëhershëm, dhe shkruan se të veshësh fanellën tënde (numrin 10) është nder.
 
Postimi i Del Piero në Twitter
“Shumë fat Paulo Dybala. Shijoje si një juventin i vërtetë. Dhe na bëj që të argëtohemi!”.



Postimi i Dybala në Twitter
“Faleminderit shumë. Është një nder të vesh fanellën tënde. Gara për gjuajtjet e lira ndërmjet numrave 10 do të jetë akoma më e bukur!”.


 
Kohë më parë Del Piero dhe Dybala kanë shprehur dëshirë të bëjnë një duel të gjuajtjeve të lira, me Gianluigi Buffonin në portë.
 
Fanellën me numrin 10 vitet e fundit te Juventus e kanë veshur edhe Carlos Tevez dhe Paul Pogba, mirëpo Del Piero ka qenë dhjetëshi i vërtetë i fundit i “Bardhezinjëve”.

Redaksia Online
Er.K/Shqiptarja.com