POP 5

Lajmet më të lexuara të 5 minutave të fundit

Ekonomi

Dyfishimi i gjobave për bizneset, kreu i Dhomës së Tregtisë: E papranueshme

Propozimi i Ministrisë së Financave për të dyfishuar gjobat ndaj bizneseve që identifikohen në shkelje, si për mos lëshim të kuponit apo që janë të paregjistruar, për kreun e Dhomës së Tregtisë, është e papranueshme. Sipas Jakës bizneset duhen mbështetur dhe jo të mbingarkohen me gjoba.

TIRANË- Bizneset janë kundër ndryshimeve fiskale të propozuara nga Ministria e Financave për dyfishimin e gjobave ndaj bizneseve që konstatohen të paregjistruar, që nuk lëshojnë kupon tatimor apo shkelje të tjera të legjislacionit tatimore. Sipas kryetarit të Dhomës së Tregtisë dhe Industrisë Nikolin Jaka ndryshimet në ligje të ndryshme janë një paketë fiskale e pa konsultuar.

“Ne kemi propozuar që gjobat të jenë minimale dhe të ekzekutueshme dhe mos bëhen subjektive apo të rënda për biznesin. Sa më e vogël të jetë gjoba aq më shumë ndërgjegjësohen njerzit dhe sa më shumë të ekzekutueshme të jenë ato aq më shumë ndërgjegjësohen që nuk duhet të bëjnë shkelje ligjore”, u shpreh Jaka.

Ndër të tjera Jaka argumenton se edhe vendimi i qeverisë që detyron ndërtuesit që të sigurojnë pallatet, apartamentet me 10 vite, është i pajustifikueshëm dhe sjell kosto shtesë.

“Të gjithë ndërtuesit janë të detyruar të sigurojnë pallatet e tyre për shitjet. Sigurimi është individual dhe për atë që ka pronën nuk mund të jetë sigurimi detyrim për ndërtuesit. Ndërtimi gjendet në një kolaps total sepse nuk gjen dot mundësinë e bashkëpunimit dhe kordinimit me institucionet”, deklaroi ai.

Kreu i Dhomës së Tregtisë po ashtu ka komentuar edhe nismën ligjore të Ministrisë së Financave atë të fiskalizimit duke e cilësuar si pozitive por që nëse vendi nuk mbulohet me internet mund të rezultojë  e pasuksesshme.

Fiskalizimi është projektligji që synon monitorimin në kohë reale të të gjithë shitjeve dhe blerjeve që kryhen nga biznesi.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 31/10/2019 17:43

    O palle ari ku ke pare ti qe gjoba e vogel i ndergjegjeson me shume njerezit se gjoba e rende?! Shko bej filma jashte dhe shit pa kupon, te vjen gjoba gjobe me mijera Euro dhe te hiqet licensa per te tregtuar. Frika i fut ne sistem njerezit, jo ledhatimet qe kane pasur deri tani. Bejne mbi 1 milion lek xhiro ne dite dhe gjobiten vetem 50 mije lek se nuk leshon kupon, asgje po ta krahasosh me aktivitetin e paligjshem mujor dhe vjetor qe ben nje subjekt i tille tregtar. Dyfishim dhe trefishim madje. Kush do te beje biznes le te beje, te tjeret boll u qurraviten, te shkojne te punojne per te tjeret ne fasoneri e ku te kete vende te lira pune.

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kuvendi/ Korreshi: Shqiptarët nuk marrin dot pronat, legalizimet për vota! ju rilindët varfërinë, Noc Rrokun u keni dhënë shqiptarëve

Kuvendi/ Korreshi: Shqiptarët nuk marrin dot pronat, legalizimet për vota! ju rilindët varfërinë, Noc Rrokun u keni dhënë shqiptarëve

17 Shkurt, 17:34