POP 5

Lajmet më të lexuara të 5 minutave të fundit

Sport

Dyshohet se ka vdekur, ja kush është miliarderi president i Leicesterit

Koka-Vichai Srivaddhanaprabha, presidenti i Leicester, mendohet se ka vdekur mbrëmë në aksidentin që pësoi helikopteri I tij afër stadiumit “King Poëer”. Ai është nga Tajlanda dhe është një nga personat më të pasur në shtetin e tij, por edhe në botë.

Dyshohet se ka vdekur, ja kush është miliarderi president i Leicesterit

Vichai Srivaddhanaprabha

Tifozët e Leicester po bëjnë homazhe sot për vdekjen e presidentit të klubit pavarësisht se ende nuk ka një komunikim zyrtar se Vichai Srivaddhanaprabha ka ndërruar jetë. Tailandezi ishte në helikopterin që u ngrit mbrëmë nga fusha e stadiumit “King Poëer Stadium” dhe që u rrëzua në parkimin e tij.

Së bashku me 60-vjeçarin ishin edhe katër persona të tjerë, fati i të cilëve nuk dihet ende. Po kush është presidenti i Leicester që mendohet se ndërroi jetë mbrëmë?

Ai ka lindur më 4 prill të 1958 dhe themelues dhe president I kompanisë “King Poëer Dutty Free”, e cila ka në zotërrim edhe klubin e Leicester që nga viti 2010.

Kompania e tajlandezit është e specializuar për produktet që shiten në afërsi të aeroporteve. Një sipërmarrje e cila deri në vitin 2009 I ka mundësuar biznesmenit një pasuri prej 3.3 miliardë dollarë. Nga ky moment Vichai vendosi të blinte “dhelprat” që militonin në kategoritë e ulta të Anglisë dhe I dërgoi ata deri në fitimin e titullit të “Premier League” në vitin 2016.

Për këtë triumf ai vendosi që t’i dhuronte lojtarëve dhe stafit nga një makinë BMV i8 e cila vlen mbi 100 mijë stërlina secila.

Pas sukseseve që po arrinte si në futboll ashtu edhe me kompaninë e tij 60-vjeçari vendosi të blinte klubin e dytë në këtë sport, OH Leuven në Belgjikë. Së fundmi pasuria e tij sipas revistës “Forbes” kishte kapur shifrat e 4.9 miliardë dollarë.

Sa I takon jetës personale presidenti i Leicester është baba I katër fëmijëve. Me origjinë të largët ai është nga Kina dhe mbiemri I tij “Srivaddhanaprabha” vjen nga një nderim që mbreti I Tajlandës, Bumibol Aduliadej, I ka bërë familjes së tij. Një term që në anglisht do të thotë “drita e lavdisë”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23