POP 5

Lajmet më të lexuara të 5 minutave të fundit

Kronikë

E akuzoi për dhunë, prokurori Zarka kallëzon për shpifje biznesmenin Kaçaj në Vlorë

Vetëm dy ditë pasi e ka akuzuar Altin Kaçaj, se pas dhunës fizike ndaj tij fshihet prokurori i Vlorës Aurel Zarka, mësohet se ky i fundit i është drejtuar me një kallëzim penal prokurorisë së Fierit.
E akuzoi për dhunë, prokurori Zarka kallëzon për shpifje biznesmenin Kaçaj në Vlorë

Altin Kaçaj i dhunuar dje dhe prokurori Aurel Zarka

Vetëm dy ditë pasi e ka akuzuar Altin Kaçaj, se pas dhunës fizike ndaj tij fshihet prokurori i Vlorës Aurel Zarka, mësohet se ky i fundit i është drejtuar me një kallëzim penal prokurorisë së Fierit. “Shqiptarja.com” mëson se prokurori Zarka, kërkon ndjekjen penale për akuzën e “Shpifjes”, ndaj shtetasit Altin Kaçaj, pronar i një kompanie udhëtimi.

Sipas të dhënave në kallëzim thuhet se Kaçaj është hetuar dhe gjykuar disa herë nga sistemi i drejtësisë ku është dënuar për akuzën e Përndjekjes dhe mashtrimit nga gjykata e Vlorës. Madje Kacaj ka qenë i proceduar nga Krimet e Rënda dhe për akuzën e Shfrytëzimit të prostitucionit, akuzë që më pas u pushua.

Për të dy këto vepra penale është dënuar me 15 muaj burgim, dënim i marrë ky në vitin 23 mars 2017. Sipas pretendimeve që prokurori Zarka parashtron në kallëzimin e tij depozituar prokurorisë së Fierit, Altin Kaçaj ka shpifur në mënyrë të qëllimshme, duke mos pasur asnjë provë kundër tij, për sa i përket dhunës fizike të pretenduar.

Zarka shton se në asnjë moment nuk është përfshirë në intriga të tilla kriminale, por implikimi i emrit të tij në të tilla incidente të dyshimta, synon të denigrojë, demotivojë e përndjekë punën e tij si prokuror. Kaçaj është hetuar nga prokurori Zarka për tjetërsimin e një automjeti, i cili ishte në pronësi dhe përdorim nga një shtetase italiane.

Mirëpo ky mjet është lënë në përdorim tek Altin Kaçaj, por ky I fundit e ka regjistruar në mënyrë të dyshimtë këtë mjet me dokumente të rregullta. Në dobi të hetimeve, prokuroria Zarka ka urdhëruar sekuestrimin e automjetit, duke kryer një sërë veprimesh hetimore. Ndërkohë që nga ana tjetër Altin Kaçaj i është drejtuar gjykatës së Vlorës disa herë, ku ka kërkuar kthimin e mjetit të sekuestruar në datën 2 shkurt 2014.

Por me vendimin e fundit të datës 27 shtator 2016 gjykata e Vlorës ka vendosur të rrëzojë kërkesën e Kaçaj, duke lënë mjetin në gjëndjen e sekuestros. Momentalisht hetimi ndaj Altin Kaçaj është i pezulluar pasi prokuroria është në pritje të përgjigjes së letërporosisë nga Italia, prej nga ka ardhur dhe mjeti i sekuestruar, i cili pretendohet se është në pronësi të dy personave, Altin Kaçaj dhe një shtetasi Italian.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Altin: 30/03/2018 12:15

    O Zoti Zarka po eshte e vertet qe kam qene ne krimet e renda dhe prokuror ishte eprori yt Gentjan Trenova sa e la ceshtjen sepse nuk mori asnje qindark nga mua edhe pse me vuren gjobè dhe e drejta doli pas 6 miajsh ku mora pafajsin dhe personi qe me akuzoi u denua 2 vjet e 8 muaj le ti kthehemi vlores tani.bera nje kallzim per nje mikeshen tende i ndruar prokuror dhe cuditerisht ceshtjen e moret ju si prokuror dhe pa kaluar 72 ore edhe pse me prova e mbylle ceshtjen dhe me pas pa kaluar shume kohe qe une isha ne itali ju mesuat mikeshen tuaj qe te bente nje kallzim per mua per akuzen e perndjekjes gje qe e vertetohet qe une kam qene ne itali dhe ne munges zoti prokuror i thenshin Xhemal Saliaj kolegu jot pa prova por me pretendime kerkonte 4.8 vjet per mua dhe ketu bene pjes ti si prokuror.do ti nxjer Altini marveshjen e 200 mije € qe ishe garant ti apo tjetri me 300 kg hashash ne shpi dhe beri vetem 3 muaj ok Z.prokuror sa per dhunen qe pesova nga te derguarit e tu nuk ka problem me i fort behem vetem po me hoqe qafe Z.Prokuror cdo gje qe do me ndodh mua apo familjes time duhet ta dine publikisht qe me vine nga ty apo e kushos tende ok falemonderit per mirkuptimin edhe gazeta shqiptarja .com dhe komentuesat

    Përgjigju
  • Fredi: 30/03/2018 01:20

    Ta nxorren bojen sot ne darke o OPGJ i koruptuar! Shko poshte shtepise se " te dyshuarit " dhe beji presion, dekonspiro hetimin dhe denoni tjetrin pa prova duke i prishur jeten. Keto nuk jane intriga kriminale o Zarka i Krimit te Rende? Ku do mbytesh nga vetingu o plehre? Do te sekuestrojne dhe pasurite e kusheririt qe dukej ne video. Mendova mos komentoja kur lexova sepse nuk njoh asnjerin dhe i prirur ti besoja ligjit. Por ti nuk je ligji, ti qenke krimi vete. Kam pershtypjrn qe duhet te jesh ti Marko, ose Marko eshte ndonje kusheriri yt. Pttuuu ti meriton varjen ne litar.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Përpjekjet e Turqisë për të fituar një rol më të madh ndërmjetës më 2025

Përpjekjet e Turqisë për të fituar një rol më të madh ndërmjetës më 2025

18 Dhjetor, 19:43