Brenda pak ditësh, një gjykatës në Nju Jork pritet të vendosë mbi të ardhmen e perandorisë së pasurive të paluajtshme të ish-Presidentit Donald Trump, në një çështje civile ku ai akuzohet se mashtroi huadhënësit dhe kompanitë e sigurimeve, duke fryrë vlerën e pasurive të tij në pasqyrat financiare.
Nëse shpallet fajtor, dënimi mund të përfshijë gjoba miliona dollarëshe dhe ndalimin e të bërit biznes në shtetin ku ai ka lindur.
Së shpejti, ditët e Donald Trumpit si manjat i pasurive të paluajtshme në Nju Jork mund të marrin fund.
Një gjykatës po shqyrton mundësinë e shqiptimit të dënimeve të reja për ish-presidentin, mbi akuzat se ai mashtroi huadhënësit, kompanitë e sigurimeve dhe të tjerët, duke fryrë vlerën e pasurisë së tij në pasqyrat financiare.
Dënimi i mundshëm i zotit Trump në këtë padi civile, një proces që ka zgjatur prej muajsh, mund të përfshijë gjoba miliona dollarëshe dhe ndalimin për të bërë biznes në shtetin ku ai ka lindur.
Një dënim i tillë i shtohet, një vendimi të mëparshëm që kërcënon të ardhmen e prerandorisë së tij të pasurive të paluajshtme.
Në shtator të vitit 2023, gjykatësi Arthur Engoron vlerësoi se zoti Trump kishte mashtruar. Ndër të tjera, gjyqtari Engoron zbuloi se pasqyrat financiare të zotit Trump pretendonin se apartamenti i tij në Kullën Trump ishte gati trefish më i madh sesa madhësia reale e tij.
Gjyqtari gjeti po ashtu se zoti Trump mbivlerësoi pronën e tij në “Mar-a-Lago” në Palm Beach të Floridas, bazuar në idenë se aty mund të ndërtoheshin objekte të tjera banimi, megjithëse zoti Trump kishte hequr dorë nga e drejta për të ndërtuar në këtë pronë.
Në një paraqitje me video në prill të vitit 2023, zoti Trump mbrojti pasqyrat financiare që janë në qendër t çështjes kundër tij.
Tani, gjykatësi Engoron duhet të vendosë për çështje të tjera në këtë rast, duke përfshirë ato nëse zoti Trump ishte i përfshirë në një komplot për të ekzagjeruar pasurinë e tij dhe nëse ai, ose të pandehur të tjerë, mashtruan kompanitë e sigurimeve.
Prokurorja e Përgjithshme e Nju Jorkut, Letitia James kërkon një dënim prej 370 milionë dollarësh dhe vendosjen e kufizimeve të rrepta ndaj tij për të bërë biznes në Nju Jork.
Gjykatësi ka ngritur mundësinë e likuidimit të bizneseve dhe pronave të zotit Trump.
Ish-presidenti mohon të ketë shkelur ligjin. Për shkak se kjo është një çështje civile dhe jo një çështje penale, zoti Trump nuk rrezikon të dënohet me burgim. /VOA/
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
