POP 5

Lajmet më të lexuara të 5 minutave të fundit

Kultura

E bëri vendlindjen pjesë të filmave të tij, Dhimitër Anagnosti vlerësohet si 'Krenaria e Vunoit', familja: Ua paçim borxh!

Dhimitër Anagnosti u vlerësua mbrëmjen e së enjtes si "Krenaria e Vunoit". Kineasti i heshtur gjatë ceremonisë, shpreh mes rreshtash mirënjohjen në emër të familjes ndaj vendlindjes së tij

E bëri vendlindjen pjesë të filmave të tij, Dhimitër Anagnosti vlerësohet si 'Krenaria e Vunoit', familja: Ua paçim borxh!

Anagnosti gjate vleresimit si 'Krenaria e Vunoit'

Është 87-vjeç kineasti Dhimitër Anagnosti, një nga ikonat e kineamtografisë shqiptare, por rrënjët, vendlindjen e tij Vunoin, nuk e ka ndarë kurrë nga vetja. Në të dy kohët, para e post diktaturës, e  ka bërë pjesë të xhirimeve të filmave si "Përrallë nga e kaluara" e "Gjoleka, i biri Abazit", apo pjesë të rrëfimeve të tij si autor. Kineastin shumëdimensional, si regjisor e skenarist Shoqata Vunoi e ka vlerësuar në shenjë mirënjohje si "Krenarinë e Vunoit", mbrëmjen e së enjtes. Pranë i gjendet në ambientet e Muzeut Historik, Roza e tij, si dhe kolegët, të cilët e vlerësojnë kineastin, si një shkollë të filmit shqiptar. Ndërsa kreu i Bashkisë Himarë, Jorgo Goro, rrëfen anën tjetër të medaljes, se jo vetëm në Vuno, por edhe në fshatrat e tjerë përreth, Anagnosti për thjeshtësinë e fisnikërinë që ka treguar për të lartësuar emrin e vendlindjes së tij, shikohet me vlerësim të veçantë nga himariotët e më gjerë... 

 


"Artisti i Popullit", "Nderi i Kombit", "Gjergj Kastrioti Skënderbeu", titujt që i janë akorduar Anagnostit, janë më të lartët, por ai edhe gjatë kësaj mbrëmje qëndron i heshtur, sepse fjalën e ka thënë me punën e tij. Një buzëqeshje, puthje e shkëmbyer me Rozën, shtrëngim duarsh me kolegët e tij, janë mënyra e tij për të shprehur gëzimin. Dy fjalë i ndajnë në emër të familjes gjatë ditës së sotme në rrjetet sociale.

"Familja Dhimitër Anagnosti falenderon Shoqatën e Vunoit dhe gjithë vunjotësit e organizatorët, për vlerësimin e lartë, për respektin dhe dashurinë që gjetëm mbrëmë në ceremoninë e bukur pranë Muzeut Kombëtar. Ua paçim borxh! Dhimitër, Roza, Juna, Era", shkruhet në postimin në Facebook.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 10/03/2023 22:02

    Dhimiter Anagnosti simbol i artit kinematografik shqiptar qe as 100 politikan te sotshem nuk e barazojne.Njerezit e mire qe i kane dhene vendit ngelin ne histori dhe politikan pizaveng qe vec e mbolen lopen Shqiperi ikin si plehra te saj

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kulluri ironizon Korreshin: Që të bëhet deputet, duhet të bëjë vertikalen poshtë ballkonit të Berishës

Kulluri ironizon Korreshin: Që të bëhet deputet, duhet të bëjë vertikalen poshtë ballkonit të Berishës

24 Dhjetor, 18:11