E detyruan të vidhte në shtëpi rreth 12 mln lekë, 4 të rinjtë e shantazhonin 17-vjeçaren në Korçë se do ta denonconin si bashkëautore të një krimi të ndodhur më parë

Të tjera detaje janë zbuluar nga ngjarja që u regjistrua në Korçë, ku 4 të rinj i zhvatën rreth 12 milion lekë 17-vjeçares, duke e shantazhuar e kanosur. Sipas burimeve nga policia, vajza minorene është shantazhuar fillimisht nga shtetasi Kristjan Aliu i shpallur në  kërkim.

Të rinjtë e kanë shantazhuar minorenen duke i thënë se ajo ka qenë bashkëpunëtore në një vepër penale të ndodhur kohë më parë dhe se do ta denonconin nëse ajo nuk u jepte paratë që i kërkonin.  Ende nuk dihet se për çfarë vepre penale bëhet fjalë e nëse vajza ka qene ose jo e implikuar. Lidhur me këtë ngjarje policia po vazhdon hetimet.

Lajmi kryesor:

Korçë/ Shantazhonin 17-vjeçaren se do e denonconin si bashkëpunëtore për një krim nëse nuk u jepte para, 3 në pranga dhe 1 në kërkim! I morën rreth 12 mln lekë

TAG:
• Arrestime
• kanosje
• Korce
• e mitura