Pas ditëve të ngrohta plot diell, e diela do të përfshihet nga reshje intensive shiu në 5 qarqe të vendit. Pavarësisht motit të keq, temperaturat do të jenë të larta. Përfaqësuesja e IGJEUM, Anira Gjoni foli në Report Tv për gazetarin Nertil Agalliu duke thënë se reshjet e shiut do të sjellin rrëshqitje dherash dhe përmbytje të lokalizuara.
“Gjatë ditës së nesërme, do të ketë reshje me intensitet të lartë që do të jenë më të përqendruara në veri dhe jug të territorit. Kryesisht në qarqet Shkodër, Kukës, Lezhë, Vlorë dhe Gjirokastër. Reshjet do të jenë të niveleve intensive dhe me vërshime të shpejta të lumenjve të vegjël malor që do të shoqërohen me rrëshqitje të dherave.
Në zonat urbane mund të shfaqen problematika me përmbytje të lokalizuara, kjo në varësi të gjendjes së kanalizimeve. Qarqet do të jenë të shoqëruara dhe me shtrëngata dhe presim që nivelin më të lartë ta kemi nesër gjatë pasdites deri të hënën në mesditë. Qarqet si Dibra, Durrësit, Elbasani, Fieri, Tirana, Berati dhe Korça mbeten në nivele mesatare të reshjeve”, tha Gjoni.
Moti do të përmirësohet nga e marta, por do të shoqërohet me rënie temperaturash pasi do të ketë reshje dëbore në zonat malore. Gjoni u shpreh se pritet që fillimi i marsit të jetë i freskët por konsiderohet normale për stinën që ndodhemi.
“Edhe ditën e hënë do të ketë reshje me këto intensitete dhe pasditja do të jetë me reshje të dobëta. E marta dhe në vijim do të ketë reshje të dobëta me alternime kthjellimesh që do të vijojnë deri të premten.
Gjatë këtyre ditëve, pavarësisht reshjeve, temperaturat do të jenë të larta. Nesër do të ketë ngritje të temperaturave. Zonat malore, të martën e të mërkurën do të shoqërohen dhe me reshje dëbore, kjo mund të shkaktojë pak edhe rënie të temperaturave por janë normale për stinën ku ndodhemi, është fundi i dimrit, fillimi i pranverës, presim të kemi një mars të freskët.
Nuk kemi lajmërim për përmbytje thjesht vërshime të shpejta që krijojnë kryesisht rrëshqitje të dherave”, tha Gjoni.
Lajme të tjera
-
Reshjet e dëborës në disa akse, ARRSH: Drejtuesit e mjeteve të pajisen me goma dimërore dhe zinxhir! Borëpastrueset në terren
24 Dhjetor, 08:39 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Reshje shiu dhe dëbore, Anira Gjoni në Report Tv: Ulje temperaturash gjatë kësaj jave! Ja sa do jenë ato në zonat bregdetare, malore e të ulëta
10 Dhjetor, 13:50 -
Moti i keq/ Reshje të dendura bore në veri të vendit! Vështirësi në qarkullim, Policia thirrje drejtuesve: Përdorni zinxhirë
9 Dhjetor, 07:29 -
Temperatura të ulëta, reshje shiu dhe dëbore, Anira Gjoni për Report Tv: Ky dimër do të jetë më i ftohtë se vitet e kaluara
2 Dhjetor, 13:52 -
Moti i keq/ Korça dhe veriu i vendit nën ‘pushtetin’ e borës, trashësia deri në 60 cm! Mijëra banorë pa energji, s'ka probleme me qarkullimin (VIDEO)
1 Dhjetor, 09:48 -
Aksident nga moti i keq në aksin Morinë-Kukës, mjeti del nga rruga! S'ka persona të plagosur
30 Nëntor, 21:55 -
Reshjet e dendura të dëborës në Rrugën e Kombit dhe Bulqizë, policia apel shoferëve: Pajisuni me zinxhirë dhe goma dimërore, asnjë aks rrugor i bllokuar
30 Nëntor, 16:30
