POP 5

Lajmet më të lexuara të 5 minutave të fundit

Sport

E dielë drithërimash, tifozët e Milanit 'pushtojnë' stadiumin e Sassuolo-s! Inzaghi: Inter, luaj pa pendesa! Emocione edhe në Premier League

Milan-Inter në Itali dhe Liverpool-Manchester City në Angli do përcaktojnë të dielën se kush fiton titujt kampion në vendet respektive. Në Seria A Milanit i mjafton një pikë kundër Sassuolos për të bërë të pavlefshme Inter-Sampdoria, ndërsa në Premier League City ka një pikë më shumë se Liverpool.

E diela është një ditë shumë e rëndësishme për futbollin europian, pasi në Seria A dhe Premier League titulli i këtij sezoni do vendoset në ndeshjen e fundit. Në Itali Milan është afër ‘skudetto-s’ pas 11 vitesh, por për këtë i duhet të paktën 1 pikë në transfertën e Sassuolo-s.

Si rrjedhojë mijëra tifozë janë organizuar për të udhëtuar në transfertë, ndërsa sipas ‘Gazzeta dello Sport’ nga 21.500 vende 18 mijë do jenë rezervuar nga kuqezinjtë. Praktikisht do jenë si një ndeshje në shtëpi për Milanin, që udhëheq kampionatin me 2 pikë më shumë se Interi, por ka edhe favorin e ndeshjeve direkte. Trajneri Pioli në prag të kësaj sfide është shprehur se ‘kemi qenë më të mirët deri më tani dhe këtë duhet ta tregojmë edhe me Sassuolo-n’.

Sakaq Interi, po të dielën në orën 18:00 pret në shtëpi Sampdorian. Edhe zikaltërit, ashtu si ‘djalli’, stadiumin ‘San Siro’ do ta kenë mbushur plot e për plot më tifozë. Lidhur me mundësitë për të dalë kampion, trajneri i Interit Simone Inzaghi, është shprehur se ‘duhet të fitojmë me patjetër për të mos patur pendesa pas 90 minutave’. Mirëpo për këtë finish emocionues ka edhe paragjykime, pasi nuk janë të pakët tifozët e Interit që e shohin me mosbesim faktin që presidenti i Sassuolo-s është tifoz i madh i Milanit.

Ndërkohë po të dielën, por në orën 17:00, do vendoset edhe titulli në Premier League. Manchester City që ka një pikë më shumë se Liverpool pret Aston Villa-n në shtëpi, ndërsa të besuarit e Kloop do luajnë kundër Wolves.  

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57