POP 5

Lajmet më të lexuara të 5 minutave të fundit

Politikë

Refuzimi i Cakajt/ Meta: Integriteti i Kosovës, i padiskutueshëm. Rama: Presidenti mbron Kosovën nga një shqiptar

Presidenti Ilir Meta thotë se deri në sekondën e fundit që do të jetë president, pavarësia e Kosovës është e padiskutueshme. Meta i përgjigjet kështu kryeministrit Rama, që në një reagim të mëparshëm e quajti vendimin e Metës të turpshëm dhe anti-kushtetues. 

Presidenti Ilir Meta ka reaguar sërish për refuzimin e kandidaturës së Gent Cakajt si ministër i Jashtëm i Shqipërisë. Për Metën, pavarësia dhe integriteti i Kosovës janë të padiskutueshme përsa kohë që drejton Shqipërinë si President.

“Pavarësia, integriteti territorial i #Kosovës dhe vendimi i Gjykatës Ndërkombëtare të Drejtësisë @CIJ_ICJ janë të #padiskutueshme për Republikën e #Shqipërisë deri në sekondën e fundit si #President i vendit tim.”-shkruan Meta në rrjetet sociale.

Kryeministri Edi Rama i është përgjigjur Metës dhe thotë se presidenti mund ta shkelë kushtetutën për rastin e Cakajt dhe të merret me fjalë për të njësoj sikur të ishte Dëshmitari X.

“Që Presidenti ynë të shkelë Kushtetutën, godasë qeverinë, nëpërkëmbë një djalë të ri e të paktën 1000 herë më të ditur se ai, duke u marrë paturpësisht me fjalë si të ishte Dëshmitari X...Oh çfarë marre! IM me qyqarët e kadrinjtë mbrojnë Kosovën nga një shqiptar i Kosovës.”-shkruan Rama në rrjetet sociale.

Reagimi i Metës vjen pas deklaratës së kryeministrit Edi Rama, i cili, menjëherë pas refuzimit të kandidaturës së Gent Cakajt nga Presidenca e quajti veprimin të turpshëm dhe të rrezikshëm. (Lexo këtu).  Për këtë cështje kanë nisur reagimet edhe nga Kosova, ku ish-ministrja e Jashtme, Edita Tahiri u rreshtua krah Metës. (Lexo këtu). 

Ditën e sotme, presidenti Ilir Meta Meta refuzoi të dekretojë Gent Cakajn si ministër të Jashtëm. Meta nuk ka dekretuar as shkarkimin e Ditmir Bushatit i cili do vijojë të qëndrojë në detyrë deri në zgjidhjen e ngërçit presidencë-qeveri. (Lexo këtu).

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alex: 10/01/2019 20:11

    Kelyshet e Sorrosit jane quar per te ndare Kosoven, pasi nuk po len gje pa vjedhur ne Shqiperi.

    Përgjigju
  • Honglateri: 10/01/2019 16:33

    Ministri i Jashtem nuk u dekretua sepse nuk shkoi me bllok ne dore

    Përgjigju
  • loran shehu: 10/01/2019 15:55

    hallall o Ilir Meta

    Përgjigju
  • Tini: 10/01/2019 15:53

    Po qeke burr ti ere.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16