Videoja e një të mbijetuare të Holokaustit, e cila është përballur me ministren e brendshme britanike Suella Braverman është bërë virale kudo. Personi në fjalë, 83 vjeç, tha se për një kohë të gjatë kishte dëgjuar gjuhën e përdorur nga shumë politikanë për të demonizuar grupe të caktuara në këtë vend.
“Në vitin 1943, u detyrova të largohesha nga vendlindja ime në Belgjikë dhe kalova nëpër Europën e shkatërruar nga lufta dhe dete të rrezikshme derisa më në fund arrita të vij në MB në vitin 1947. Kur ju dëgjoj duke përdorur fjalë kundër refugjatëve si ‘grumbull insektesh’ dhe një ‘pushtim’, më kujtohet gjuha e përdorur për të justifikuar vrasjen e familjes sime dhe miliona të tjerëve. Pse e përdorni këtë lloj gjuhe?”, tha Salter.
Braverman e falënderoi atë për pyetjen dhe tha se ajo kishte një simpati për migrantët, duke theksuar se prindërit e saj nuk kishin lindur në Mbretërinë e Bashkuar. Megjithatë, ajo pohoi se imigrimi i paligjshëm ishte një problem i madh. E moshuara ka reaguar gjithashtu edhe pas deklaratë së saj e cila është parë mbi 5 milionë herë duke thënë se ishte e nevojshme një deklaratë e tillë për shkak të përafrimit të ditës së përkujtimit të Holokaustit.
“Si një fëmijë i mbijetuar i Holokaustit, më duhej të flisja. Më lejoni t’ju them pse. Javën e ardhshme, më 27 janar, ne përkujtojmë një nga mizoritë më të këqija të kryera në historinë njerëzore.Tema e Ditës së Përkujtimit të Holokaustit të këtij viti është “njerëzit e zakonshëm”. Këto akte të tmerrshme u kryen nga një grup njerëzish të thjeshtë kundër një tjetri,” tha ajo. Metoda e përdorur nga nazistët për t'i kthyer njerëzit e zakonshëm, të cilët shkonin në shtëpi çdo natë tek gratë dhe fëmijët e tyre, në përbindësha të aftë për të marshuar miliona hebrenj dhe minoritete të tjera – njerëz si ata – në dhomat e gazit. Është ajo që u mundësoi ushtarëve të zakonshëm të ktheheshin te gratë dhe fëmijët e tyre, të kënaqur që po mbronin vendin e tyre nga problemet sociale të shkaktuara nga njerëz që qeveria e tyre i kishte bindur se ishin më pak se njerëz.Unë jam një mësuese, jo një aktiviste politik. Unë flas për përvojat e familjes sime gjatë Holokaustit për t'i kujtuar botës se sa lehtë propaganda dhe fjalët e ndarjes mund të krijojnë një urrejtje të tillë që njerëzit e zakonshëm mund t'i drejtohen më pas fqinjëve të tyre.Pra, kur dëgjoj llojin e retorikës që përdoret nga politikanët tanë kundër emigrantëve të dëshpëruar që përpiqen të bëjnë rrugën e tyre drejt sigurisë këtu, sepse ata e shohin MB si një vend mikpritës për ta për t'u vendosur dhe për të rritur fëmijët e tyre, jam e shqetësuar se sa shpejt ne kanë harruar mësimet e së shkuarës", foli ajo ndaj ligjeve të emigrimit/ The guardian
Komente
Lajme të tjera
-
Paralajmëron kreu i Forcave të Armatosura të Mbretërisë së Bashkuar: Bota është në prag të epokës së tretë bërthamore
5 Dhjetor, 20:53 -
Grupet kriminale shqiptare në Ekuador dhe Britani, Dumani: Kemi marrëveshje dhe skuadra të përbashkëta! Hetimet po japin fryte
2 Dhjetor, 17:04 -
Lufta/ Media: Ukraina ka lëshuar kundër Rusisë raketat britanike me rreze të gjatë veprimi ‘Storm Shadow'
20 Nëntor, 16:20 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Ndihmoi emigrantët e paligjshëm të kalonin kufirin, GJKKO lë në burg Arsen Cakën
9 Nëntor, 20:56 -
Ministri Hoxha takim me ambasadorin britanik: Reduktimi i migracionit të paligjshëm një prej sfidave më kritike për dy vendet
28 Tetor, 16:14 -
Sky News: Britania do të forcojë partneritetin për luftën kundër krimit me Shqipërinë pas operacioneve të suksesshme
26 Tetor, 20:19 -
Anglia ndalon shitjen e cigareve elektronike
25 Tetor, 15:50 -
Tur në Kukës dhe Tropojë me të rinjtë, ambasadori britanik Abbott: Mbretëria e Bashkuar është partneri juaj, besojmë te potenciali i Shqipërisë!
9 Tetor, 18:34 -
U deportua nga Britania në Shqipëri pas dënimit për trafik droge, shqiptari tenton të hyjë me pasaportë fallco në Mbretërinë e Bashkuar
22 Shtator, 10:05 -
Ed Sheeran shpallet artisti më i dëgjuar në Mbretërinë e Bashkuar për herë të shtatë
18 Qershor, 08:17 -
Kremlini paralajmëron Londrën për kundërpërgjigje nëse Ukraina përdor armët britanike për të sulmuar territorin rus
6 Maj, 21:16
E ORE Ç'NA QĒNKA...NJE NDER SHTETIT ME RACIST NE BOTE,I ESHTE HAPUR PLAGE GJENETIKE E KOPILAÇKAVE.....SIÇ DUKET-TE MBJELLAT E KOHES I ÇIK JANE DUKE I KORUR.
Përgjigju