E padëgjuar në futboll, Brescia largon Balotelli-n me rojen (VIDEO)

E padëgjuar në futboll, Brescia largon Balotelli-n me rojen (VIDEO)

Aventura e Mario Balotelli-t me ekipin e Brescia-s në Seria A mund të konsiderohet e mbyllur. Sot sulmuesi italian u paraqit pas shumë peripecive në qendrën stërvitore, por klubi me anë të rojes së sigurisë nuk e lejoi të futej. Arsyeja është përplasja që 29-vjeçari ka patur me presidentin Cellino, i cili e akuzoi Balotelli-n se nuk po stërvitej.

Sulmuesi problematik sot shfaqi një dokument mjekësor që tregonte se tani mund të stërvitej, pasi më herët sipas Balotelli-t ai vuante nga gastroenteriti, sëmundje që njihet ndryshe si ‘diarre infektive’.

Gjithsesi problemet mes palëve filluan që në janar kur Balotelli mungoi për 10 ditë në stërvitje, ndërsa më pas pasuan me mungesa të tjera të pajustifikuara. Teksa largohej sot nga qendra stërvitore Balotelli nën zë u shpreh: ‘thuaj tani që nuk dua të stërvitem’, fjalë këto te drejtuara presidentit. Ndërkohë më herët për mediat italiane presidenti Brescia deklaroi ‘se si ai ashtu edhe Balotelli janë koshient që gabuan për këtë marrëveshje’.

Me Brescia-n Balotelli ka një kontratë dyvjeçare, por ekziston një klauzolë për ndërprerje në rast se klubi në fund të kampionatit zbret në Seria B.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut