Shkodër- Persona të paidentifikuar ende dyshohet se kanë vjedhur një mjet lundrues skaf, që ishte në pronësi të një 34-vjeçari në Shkodër dhe ishte parkuar në zonën e liqenit.
Ngjarja u denoncua ditën e hënë (9 Shtator) nga pronari me inicialet A.D., i cili kërkoi ndihmën e policisë vendore për gjetjen e mjetit. Ai tha se nuk e dinte kush ishin autorët dhe kur ka shkuar te vendi ku ndodhej nuk e gjeti skafin.
Policia konfirmoi ngjarjen dhe sqaroi se “po punohet për identifikimin dhe kapjen e autorit/ve”. Referuar edhe precedentëve të shkuar, ka dyshime të forta se mjeti mund të jetë vjedhur për qëllime të paligjshme, transport lëndësh narkotike apo klandestinësh.
![](https://shqiptarja.com/template/img/NO_ALFA_Kuadrate shqiptarja.png)
Materialet për rastin i kaluan prokurorisë vendore për veprime të mëtejshme, teksa po mblidhen dëshmi dhe është njoftuar gjithashtu Roja Bregdetare dhe Kapiteneritë nëse e hasin në det apo ujërat territoriale.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)