Kryetari i partisë Ambientaliste në Greqi, Demesthenes Vergis është në kërkim të votuesit të vetëm që i dha votën në qarkun e Athinës pasi vetë ai dhe bashkëshortja e tij nuk morën pjesë dje në procesin zgjedhor pas të cilit, u konfirmua në pushtet partia ‘Demokracia e Re’ e kryeministrit aktual Kyriakos Mitsotakis.
Vergis dhe bashkëshortja e tij ndodheshin për pushime në Mykonos. Ndërsa vetë kreu i partisë së Ambientalisëve grekë, tha se ishte tepër e rëndësishme që të takohet me personin që i dha në votë dhe vendin e 36-të në zgjedhje.
“Ka ndodhur që kam marrë pjesë në zgjedhjet nacionale dhe nuk kam marrë votë, tani të paktën kam marrë. Në fakt, po kërkoj të gjej personin që më zgjodhi që ta falënderoj dhe ta ftoj për një darkë. Kjo ishte një surprizë e madhe për mua. Unë do të pyes dhe do të përpiqem të gjej personin që më ka votuar. Më duhet ta gjej këtë fletë votimi, e dua si kujtim”, thotë Demosthenes Vergis.
Ai tha se Partia e tij ishte në listën e votimit për Athinën dhe jo në qytete të tjera të vendit, pasi nuk kishte mundësitë financiare të nevojshme për diçka të tillë.
“Unë dhe gruaja ime Svetlana dje ishim në Mykonos për pushime. Nuk votuam sepse nuk ishte e mundur. Në fund të fundit, unë nuk kisha shkarkuar një fletë votimi në ishull sepse pjesëmarrja ime ishte vetëm për Athinën. Për të shkarkuar një fletë votimi për të gjithë territorin doje 150 mijë euro, para që nuk kisha më dëshirë t’i jepja. Kështu unë dhe gruaja ime paguam një tarifë prej 300 eurosh për pjesëmarrjen tonë, por vetëm për Athinën”, vëren ai.
Kreu i Ambientalistëve grekë shpreson që në një moment votimi të bëhet elektronik.
“Kam vite që bëj një protestë të madhe, për shkatërrimin e mjedisit që shënohet nga mijëra pemë që priten, për të bërë letra për fletë votimi dhe postera. Zgjedhjet duhet të mbahen në mënyrë elektronike, diçka që mund ta arrijë vetëm Kyriakos Mitsotakis, sepse ai promovon dhe beson në zhvillimin e gjelbër. Kështu që shpresoj që në një moment të gjithë të votojmë në mënyrë elektronike. Sa i përket zgjedhjeve të ardhshme, besoj në vetëbesimin e Kyriakos Mitsotakis dhe Partisë Demokratike Kombëtare”, thotë zoti Vergis.
Partia Demokracia e Re u rendit në zgjedhjet parlamentare në Greqi me rreth 41 për qind të votave. Partia e majtë Syriza rreth 20 për qind , kurse partia social-demokrate Pasok doli në vendin e tretë me 12 përqind të mirë. Pragun prej tre për qind e kaluan edhe komunistët që fituan më shumë se gjashtë për qind të votave si dhe partia populiste e djathtë Elliniki Lysi që fitoi mbi katër për qind.
Komente
Lajme të tjera
-
Greqi/ Kapen 82 kg kokainë në Portin e Pireut, arrestohen dy punonjës të portit
17 Dhjetor, 22:31 -
Policia greke godet bandën me kryetar shqiptarin e njohur si 'Mondi', sekuestrohen drogë, armë e para kesh! 25 të arrestuar dhe 14 në kërkim
17 Dhjetor, 18:46 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Atentati në Athinë, identifikohet edhe shoku i viktimave, dyshohet të jetë plagosur
16 Dhjetor, 21:52 -
Atentati ndaj dy shqiptarëve në Athinë, media greke: Objektiv dyshohet se ishte ai që u plagos, jo Davella
16 Dhjetor, 19:57 -
DEA i zbuloi nga aplikacioni 'Signal', kapen 46 kg kokainë në Greqi! 4 në pranga, mes tyre edhe një shqiptar (EMRI)
16 Dhjetor, 11:53 -
Ekzekutimi mafioz në Athinë, policia heton motivet që fshihen pas atentatit ndaj Irakli Davellas! Shoku i tij rëndë në spital
16 Dhjetor, 09:23 -
VIDEO/ Frikë në këndin e lojërave në Athinë, fëmijët mbesin në ajër pasi ikin dritat në park
15 Dhjetor, 13:11 -
Atentat mafioz 2 shqiptarëve në Athinë, njëri vritet me plumb në kokë, tjetri rëndë! Dyshohet për larje hesapesh mes bandave (VIDEO)
15 Dhjetor, 13:06 -
Greqi/ Shqiptarëve u ndalohet tubimi në Athinë, Policia greke: Mund të shkaktojë tensione dhe reagime negative
14 Dhjetor, 21:49 -
Ministri i Mbrojtjes Nikos Dendias: Turqia po zgjeron pretendimet ndaj Greqisë
14 Dhjetor, 20:14
Kjo tregon qe ne Greqi u vidhkan votat dhe BE duhet ta auditoje kete vend pasi e paskan zakon kete pune , lind pyetja nese e ka votuar apo io bashkeshortja ahaha
Përgjigju