Drejtuesi politik i PD-së për qarkun e Gjirokastrës, Tritan Shehu do të rikandidojë si kandidat për deputet në këtë zonë. Këtë e ka konfirmuar vetë ai përmes një statusi në rrjete sociale.

Kandidmi i tij ka ardhur pavarësisht se më herët ai u s'kualifikua nga gara për kandidat për deputet nga Komisioni i Vlerësimit të Kandidatëve në PD.

Gjatë një interviste televizive, Shehu foli dhe për djegien e mandateve të demokratëve në 2019-ën. Ai u shpreh se ky veprim nxori në pah shumë problematika të Shqipërisë duke u shprehur se dha efekte pozitive.

Shehu ka shprehur bindjen e plotë në fitoren e zgjedhjeve në 25 prill, ku sipas tij, ato do të pasojnë dhe me fitoren në zgjedhjet lokale. 

Vetëm pak kohë më parë, Shehu u zgjodh dhe si drejtuesi politik i qarkut të Gjirokastrës. Ky është vendimi i dytë që hedh poshtë procedurën e përzgjedhjes të kandidatëve për deputetë të PD-së me anë të Komisionit të Vlerësimit, pasi ishte edhe emri i Mark Markut i cili u zgjodh drejtues politik në qarkun e Lezhës, pavarësisht se ishte anëtar i Komisionit të Vlerësimit të kandidatëve në PD.

Postimi i plotë i Tritan Shehut:

Per mua eshte nje privilegj i vecante te rikandidoj ne Qarkun e Gjirokastres.

Lidhjet e mia me Gjirokastren.

Permbysja e 25 Prillit nje domosdoshmeri.

Pse ne dorezuam mandatet?

Shume shpejt mbas 25 Prillit do te zhvillohen edhe zgjedhjet lokale. Gjirokastra e Qarku teresisht te diskriminuara e te zhytura ne varferi e braktisje.

Ky rregjim ka mentalitetin e Esat Pashes. Ky rregjim na largon nga identiteti yne Europian e Perendimor. Rama pengon qellimisht integrimin. Qarku i Gjirokastres i ka te gjitha mundesite dhe resurset per tu zhvilluar. Keq menaxhimi i Epidemise Covid, katastrofal per vendin.

25 Prilli dita e ndryshimit te madh. Kushdo qe do te guxoje te preke voten do te perfundoje si ai bust me 20 shkurt.