POP 5

Lajmet më të lexuara të 5 minutave të fundit

Sociale

E reja që la Tiranën për të hapur studio poçarie në Korçë: Ju rrëfej pasionin tim

Report Tv sjell historinë e Yrmela Kasos, 27-vjeçares që pas studimeve në Akademinë e arteve vendosi të rikthet në vendlindjen e saj Korçën ku vendos edhe të hapë një studio poçarie. 

Që në vegjëli, Yrmela Kaso pasionin për artin e ka shpalosur mbi telajo. Piktura e parë ishte një rrugë e Strasburgut.. Ndonëse piktura mbetet është një pasion i madh për të, 27 vjeçarja i është përkushtuar një tjetër xhanri.

Ka vendosur që të merret me poçari e madje në vendlindjen e saj Korçë, ku u kthye pas studimeve të larta në Universitetin e Arteve në Tiranë. Nëpërmjet një Start Up-i Yrmela ja doli që të hape edhe studion e saj që quajti “BATO”, balta dhe toka. Kjo do ta bënte të renë, të parën e moshatareve të saj që do t’i dedikohej traditës së hershme të qytetit.

“Studiova në Universitetin e arteve për pikturë dhe skulpturë. Qeramikën e kam prekur tani, së fundmi. Është një profesion i ri për mua. Për shumë arsye familjare vendosa të rikthehem në vendin tim të lindjes. Avash-avash fillova të krijoja miqësi të reja. Tani dhe me studion. Interesi për traditën vjen duke u ulur nga të rinjtë. Për mua është një veprimtari e lezetshme dhe spirituale. Bëj vazo, aksesorë. Varse, vëth me qeramik dhe porcelan”, u shpreh 27-vjecarja.

Punimet e 27 vjeçares janë kryesisht vazot prej balte, aksesorë të tjerë e deri tek varset karakteristike me qeramikë. Për punimet më të interesuarit thotë se janë të huajt, ndërsa vendasit më pak.

“Deri tani kemi shitur me turistë të huaj. Tregu është pak i vështirë”, tregoi Kaso.

Yrmela mes të tjerash përcjell mesazhin se të rinjtë duhet të qëndrojnë dhe të investojnë në vendin e tyres, siç dhe ajo bëri.

“Unë luftoj shumë për të qëndruar. Ti japim një shans Shqipërisë”, përfundoi ajo.

G.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rikardo: 07/07/2024 17:39

    Ti jepi një shans Shqipërisë, të tjerët t'i japin një shans vetes duke ikur.

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Petraj për 21 Janarin: Berisha s’i shpëton dot përgjegjësisë, të gjithë do merren të pandehur! Të analizohen personat në audio, u rikuperuan pamje nga serverat! Pse qëlloi Garda?

Petraj për 21 Janarin: Berisha s’i shpëton dot përgjegjësisë, të gjithë do merren të pandehur! Të analizohen personat në audio, u rikuperuan pamje nga serverat! Pse qëlloi Garda?

22 Janar, 19:06