POP 5

Lajmet më të lexuara të 5 minutave të fundit

Kronikë

E rëndë në Fier/ Gjendet i pajetë në kanal 20-vjeçari, dyshohet se e përplasi makina (Emri)

Ka qenë rreth orës 21:30 kur të afërm të 20-vjeçarit janë vënë në kërkim të tij. Ata e kanë gjetur pa shenja jete në një kanal, në anë të rrugës pranë fshatit Hoxhare e Vjetër të Njësisë Administrative Dërmenas në Fier. Në anë të rrugës janë gjetur mbetje të parakolpit të makinës, çka përforcon dyshimet se ai është përplasur.

FIER - Një trup i pajetë është gjetur në një kanal në fshatin Hoxhare e Vjetër të Njësisë Dërmenas në Fier mbrëmjen e kësaj të diele. Mësohet se viktima është Arif Xhafa 20 vjeç. I riu dyshohet se është përplasur nga një automjet dhe ka përfunduar në kanal me plagë të rënda në trup. 

Burimet e para thonë se pas përplasjes trupi i pajetë është gjetur nga familjarët dhe është shoqëruar për në spitalin e Fierit. I riu është dërguar me urgjencë por pa shenja jete, derisa mjekët kanë konfirmuar vdekjen e tij. Kanë qenë të afërmit e tij të cilët janë vënë në lëvizje pasi i riu nuk po kthehej në shtëpi.

Në vendin e ngjarjes kanë mbërritur forca të shumta policie dhe pista që po hetohet është ajo e përplasje të mundshme nga një automjet teksa ka qenë duke ecur dhe është vënë në kërkim të drejtuesit të automjetit. Dyshimet e grupit hetimor përforcohen edhe më shumë pasi në anë të rrugës janë gjetur edhe copa të cilat ngjasojnë me pjesën e parakolpit të një makine. 

Njoftimi i Policisë:
Fier
Informacion paraprak

Gjatë orëve të mbrëmjes, në aksin rrugor Fier-Ndërmënas, në kanalin anësor të rrugës është gjetur trupi i pajetë i shtetasit A.Xh, 20 vjeç. Nga rrethanat në të cilat është gjetur trupi i pajetë dyshohet të ketë ndodhur aksident automobilistik pasi ka mbetje nga mjeti që e ka goditur.

Po punohet për identifikimin e mjetit dhe drejtuesin e tij. Eshtë ngritur grupi hetimor dhe po punon për zbardhjen e plotë të kësaj ngjarje.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Durrës/ Makina përplas një burrë me biçikletë në rrugë, shoferi largohet nga vendngjarja

Durrës/ Makina përplas një burrë me biçikletë në rrugë, shoferi largohet nga vendngjarja

24 Dhjetor, 17:32