Një ngjarje e rëndë ka ndodhur sot në Korçë, ku një fëmijë 4-vjeç (mashkull) ka rënë aksidentalisht nga kati i dytë i një banese.

Burime për Report Tv bëjnë me dije se ngjarja ka ndodhur në fshatin Vinçan dhe fëmija ka marrë dëmtime në trup dhe në kokë.

Sipas informacioneve paraprake, i mituri ndodhet në reanimacionin e pediatrisë në Spitalin e Korçës, ku po merr ndihmë mjekësore.

Për shkak të gjendjes shëndetësore, fëmija do të niset drejt Tiranës për mjekim më të specializuar.

Policia ndodhet në vendngjarje për zbardhjen e plotë të rrethanave të këtij rasti.