POP 5

Lajmet më të lexuara të 5 minutave të fundit

E shembi tërmeti, ringrihet Kulla C e Kalasë së Durrësit

Ka përfunduar rindërtimi i Kullës C në kalanë e Durrësit, e dëmtuar nga tërmeti i 26 nëntorit 2019. Restauratorëve iu desh dy vite punë për të rikthyer në gjendjen fillestare veprën monument, me një fond prej 350 mijë dollarë të financuar nga SHBA dhe Suedia

Muret bizantine të Kullës C në kalanë e Durrësit janë rindërtuar pas një pune më shumë se dy vjeçare të restauratorëve. Në përurimin e monumentit të trashëgimisë kulturore morën pjesë ambasadorja e SHBA-së Yuri Kim dhe ajo e Suedisë, Elsa Hastad, pasi restaurimi i saj u mundësua nga programi i Fondit të Ambasadorëve dhe qeveria suedeze me një vlerë rreth 350 mijë dollarë

"Qeveria amerikane ka dhuruar fonde për rikonstruksionin e objekteve të rëndësishme të kulturës si kulla C dhe objekte të tjera në Krujë dhe Prezë. Duke kontribuar në ruajtjen e objekteve historike të arkeologjisë shqiptare që u dëmtuan nga tërmeti i 26 Nëntorit".- u shpreh ambasadorja amerikane.

"Qeveria Suedeze mobilizoi menjëherë fonde duke ju përgjigjur nevojës për stabilizimin e muraturës me anë të një strukture çeliku, lëvizjen e blloqeve të rëna dhe sistemimin e tyre, krijimin e një hapësire të sigurt që ekspertët të kryenin dokumentimin e gjendjes faktike, shqyrtonin situatën dhe të hartonin projektin e restaurimit".- tha Elsa Hastad.

Kalaja e Durrësit është simbol i lashtësisë së qytetërimit. I gjithë muri rrethues, përfshirë kullën C i përket periudhës së perandorit bizantin "Anastasi I" në shekullin e V-të, që fortifikoi qytetin.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Plarent Ndreca mbledh vetëm me anëtarët e PS Komisionin hetimor për kontratat në Shëndetësi! Miraton planin hetimor, rrëzon të opozitës

Plarent Ndreca mbledh vetëm me anëtarët e PS Komisionin hetimor për kontratat në Shëndetësi! Miraton planin hetimor, rrëzon të opozitës

25 Prill, 15:18