E shpallur në kërkim ndërkombëtar për mashtrim, arrestohet në Vlorë 39-vjeçarja greke

Një 39-vjeçare, shtetase greke, e shpallur në kërkim ndërkombëtar, është arrestuar ditën e sotme në Vlorë. Në pranga ka rënë Athanasia Kyriakou, banuese në lagjen “Kushtrimi” në Vlorë, pasi Gjykata e Larisës në Greqi e ka dënuar me  2 vite burg për mashtrim në mars të vitit 2017.

Interpol Tirana, në bashkëpunim me Interpol Athinën, vijon procedurat për ekstradimin e saj drejt Greqisë.

"Vijojnë operacionet e njëpasnjëshme për kapjen e personave të shpallur në kërkim ndërkombëtar. 

LEXO EDHE:
Vlorë, 20 të dënuar lirohen sot nga burgu i Vlorës, 5 përfitojnë ulje

Vihet në pranga një shtetase greke e shpallur në kërkim ndërkombëtar për veprën penale “Mashtrimi”.

Arrestimi provizor i saj u bë nga strukturat e DVP Vlorë, në bashkëpunim me Interpol Tirana, me qëllim ekstradimi drejt Greqisë.

Nga Seksioni për Hetimin e Krimit Ekonomik dhe Financiar, në bashkëpunim me Forcën Operacionale në DVP Vlorë, në vijim të punës për kapjen e personave të shpallur në kërkim ndërkombëtar, si rezultat i shkëmbimit të vazhdueshëm të informacioneve me ZQK Interpol Tirana, është bërë i mundur lokalizimi dhe arrestimi provizor i shtetases greke Athanasia Kyriakou, 39 vjeçe, banuese në lagjen “Kushtrimi”, Vlorë.

Kjo shtetase ishte shpallur në kërkim ndërkombëtar nga Interpol Athina, pasi Gjykata e Larisës, Greqi, me vendimin e datës 06.03.2017, e ka dënuar me 2 vjet burg, për veprën penale “Mashtrimi", parashikuar nga Kodi Penal grek", njofton policia.

TAG:
• Vlore
• greqi
• ekstradim
• Arrestime
• interpol tirana
• Athanasia Kyriakou