Gjysmë thesi miell, pak vaj dhe një pjatë turshi janë të vetmet ushqime që ka në dollap familja Rushiti.
Rexhep Rushiti, u nda nga jeta tragjikisht më 29 tetor, teksa kishte shkuar të nxirrte krom.
Në një rrëfim për Report Tv, 29-vjeçarja Irena Rushiti tregon momentin kur mësoi lajmin e hidhur për bashkëshortin.
“Shkoni dhe shikojeni Rushitin se e keni në spital. Nuk më kishin tregu të drejtën. Nga ora 10-të, siç e tha doktori kishte vdekur. Kishte nis kufoma për të ardhur këtej. Atëherë më treguan mua. Nga ora 12 e kam marrë vesh”, tha e veja e Rexhepit.
Minatori kishte frikë të punonte në galeritë e Bulqizës, ku kishte humbur dhe nënën, ndaj kishte udhëtuar 6 orë larg për në Selishtë të Peshkopisë.
“Ai me zorr priste të shkonte tek ajo punë. Thoshte këto galeri janë të rrezikume. Do ta shoh atë galeri që të punoj atje. Këtu nuk donte se thoshte janë të rrezikime”, tha gruaja e minatorit të ndjerë.
Përpos dhimbjes për të shoqin, ajo po përballet e vetme me sfidën e rritjes së fëmijëve.
“I madhi është 9-të vjeç. Goca është 8 vjeç. Çuni i vogël 6 vjeç. Duan të shkojnë në shkollë. Me u vesh e me u mbath. Pa shtëpi jam. Tani po vjen dhe dimri. Ftohtë është. Pa sobë. Asgjë nuk kam. Borxhe kam në dyqane. I lutem të gjithëve që kush të shohë të më ndihmojnë”, tregoi Irena Rushiti.
Pa punë, pa ndihmë sociale, Irena Rushiti lutet për ndihmë.
“Kam pas marrë përkrahje 50 mijë lekë në muaj. Asgjë tjetër. Ndihmë kërkoj nga shteti. Nga kushdo që më sheh. Kemi ngel pa hëngër. Fëmijëve nuk kam çfarë të ju jap në shkollë”, përfundoi ajo.
Apelit të saj i bashkohen edhe fqinjët.
“Ka qenë shumë i varfër, tani kanë kaluar këtu. Me tre fëmijët që kanë ngel, mua më dhimbsen shumë. Me këtë fatkeqësi që ka ndodh ta ndihmojnë”, tregoi një fqinje.
“I lutem shtetit ta ndihmoje, a shoqatave. Ka ngel në rrugë kjo familje”, tha një tjetër.
Bulqiza e pasur me krom, ka prodhuar veç mjerim për familjen Rushiti e shumë të tjera që banojnë afër stokut të kromit, në ish-godinën e punëtorëve.
Lajme të tjera
-
576 mijë shqiptarë në rrezik varfërie, rreth 20.6% e popullsisë së vendit! INSTAT: I varfër konsiderohet kush merr më pak se 35 mijë lekë në muaj
1 Mars, 18:33 -
Familja nga Çorovoda me 2 fëmijë autikë në qiell të hapur! Kryefamiljari apel për ndihmë: Vajza e sëmurë, i hoqën pensionin e invaliditetit
10 Shkurt, 16:22
-
30 vdekje gjatë aksidenteve në punë në 2023! Inspektorati për Report Tv: Më shumë raste në ndërtim, miniera e fasoneri! 148 masa ndaj subjekteve
28 Janar, 16:10
-
Tepelenë/ Çifti me dy fëmijë të mitur strehohen në shpellë, të kërcënuar nga uria dhe i ftohti kërkojnë shtëpi: Ka raste që mbetemi 2 ditë pa ngrënë
26 Dhjetor 2023, 17:17
-
Familja me 12 anëtarë në Maliq strehohet në ish-kazermën e ushtrisë! Apeli i gjyshes Lefterie Beqiri përmes Report Tv: Dua një shtëpi për nipat e mbesat
24 Dhjetor 2023, 15:40
-
Inflacioni i lartë i ushqimeve, pengesë për uljen e varfërisë! Shqipëria me nivelin më të lartë, pritet të zbresë në 23.9%
23 Tetor 2023, 17:38 -
Aksidentohet minatori në Bulqizë, 44-vjeçari u lëndua në këmbë! Niset drejt spitalit
25 Shtator 2023, 12:38 -
EMRI/ Plagoset minatori në Bulqizë, 60-vjeçari u la dje në hyrje të spitalit nga një person që u largua! Dërgohet në gjendje të rëndë te Trauma
22 Gusht 2023, 16:40 -
Kujdeset fillikat për djalin e sëmurë, historia e 82-vjeçares që jeton në skamje me të birin në Patos! E moshura bën apel për ndihmë: Po na shembet shtëpia
24 Qershor 2023, 09:05
-
Varfëria ekstreme, 31% e asaj që prodhon ekonomia shqiptare shkon për t’u ushqyer, nga 6.6% në Europë
21 Qershor 2023, 07:25 -
72-vjeçarja nga Elbasani jeton e vetme në shtëpinë e dëmtuar, apeli për ndihmë: Marr 10 mijë lekë pension, më sjell ushqim vëllai
11 Dhjetor 2022, 16:20
-
BE planifikon të sanksionojë sektorin e minierave të Rusisë
6 Dhjetor 2022, 15:55
