POP 5

Lajmet më të lexuara të 5 minutave të fundit

Kronikë

E rëndë/ E zuri korrenti teksa po punonte për të ndihmuar familjen me të ardhurat, vdes 15-vjeçari në Dimal! Arrestohet pronari i lavazhit

Një ngjarje tragjike është shënuar ditën e sotme në qytetin e Dimalit! Një 15 vjeçar ka humbur jetën pasi e ka zënë korrenti teksa punonte në një lavazh.

BERAT- Një ngjarje e rëndë është shënuar këtë të premte në qytetin e Dimalit, ku 15 vjeçari, Rohan Nuhu, ka humbur jetën në lavazhin ku punonte.

Paraprakisht dyshohet se e ka zënë korrenti pasi pompa e ujit ka bërë masë elektrike. Policia e Beratit ka vënë në pranga Abedin Hajdarin, 37-vjeç, i cili është pronar i lavazhit.

Ai u prangos për veprën penale "Shkelja e rregullave të mbrojtjes në punë".

Mësohet se 15-vjecari shkonte për të punuar në të zezë, tek Hajdari me të cilin kishin rrethana miqësore. I mituri punonte gjatë verës për të siguruar të ardhura për familjen.

'Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale "Shkelja e rregullave të mbrojtjes në punë". Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën. Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.'- njoftoi policia.

Edhe në qytetin e Elbasanit humbi jetën një punonjës i ish-kombinatit Metalurgjik. Punëtori me origjinë nga India, O. P. 45 vjeç, ndërroi jetë teksa po punonte në fabrikën e riciklimit të aluminit.

M.Q./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 18/08/2023 23:02

    Ngushëllime familjes, e dhimbshme!

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58