POP 5

Lajmet më të lexuara të 5 minutave të fundit

Politikë

Edhe 4 mbledhje pa Janin
KQZ shkon drejt ngërçit

KQZ vijon ende të mbetet me 4 anëtarë, edhe pse anëtari i propozuar nga PBDNJ, Jani Jani ka vendosur që të ngrijë veprimtarinë e tij. Mbeten edhe 4 mbledhje të këtij institucioni ku prania e Jani Janit mund të jetë inekzistente.
TIRANE - KQZ vijon ende të mbetet me 4 anëtarë, edhe pse anëtari i propozuar nga PBDNJ, Jani Jani ka vendosur që të ngrijë veprimtarinë e tij në këtë institucion. Mbeten edhe 4 mbledhje të këtij institucioni ku prania e Jani Janit mund të jetë inegzistente e ndoshta mund të shkojë deri në dorëheqjen e tij ashtu si dy ish anëtarët e KQZ, Denar Bibës dhe Albana Shtyllës.

Kodi Zgjedhor e ka të përcaktuar qartë në nenin 18 të tij që një anëtar i Komisionit Qendror të Zgjedhjeve të drejtën për të munguar e ka të limituar deri në 5 mbledhje. Nuk dihet ende se sa do të mungojë Jani në mbledhjet e ardhshme, pasi pritet që në këtë komision do të merren edhe vendime që duan 5 vota për tu miratuar.

Këtu mbetet pikërisht dhe ngërrci që mund të fillojë në këtë institucion. “Ndërprerja para kohe e mandatit të anëtarit të KQZ-së nëse mungon, pa shkaqe të arsyeshme, në dy mbledhje radhazi të KQZ-së, ose në periudhë zgjedhore për më shumë se 5 ditë”, thuhet në Kodin Zgjedhor.

Ndërkohë që gjithë ngërçi në këtë institucion lindi pikërisht pas kërkesës së mazhorancës për shkarkimin e Ilirjan Muhos dhe zvendësimit të tij me një anëtar të propozuar nga Partia Republikane. Këto lëvizje në KQZ ishin reflektuar edhe në raportin e fundit të DASH, ku sipas së cilit KQZ konsiderohet një institucion partiak.

“Institucione shtetërore thellësisht partiake, përfshirë Komisionin Qendror të Zgjedhjeve, minuan të drejtat e qytetarëve për të sfiduar drejtpërdrejt ligjet dhe për të marrë pjesë plotësisht në qeverisjen e tyre. Konsolidimi i vazhdueshem i pushtetit në duart e partisë në pushtet gërryejti më tej besimin publik në pavarësinë e institucioneve të vendit”, thuhet në raportin e DASH.

Ndërkohë që Partia Socialiste ende nuk ka dhënë konsenusin e saj për të bërë dy propozimet që i takojnë për të zgjedhur 2 anëtarë të tjerë të këtij komisioni. Ndonëse kreu i grupit parlamentar socialist në seancën e fundit plenare ofroi konsensus për mazhorancën në 8 çështje ku e djathta kishte dështuar, deri më tani nuk ka asnjë shenjë bashkëpunimi mes dy forcave më të mëdha në politikën shqiptare.

BERISHA

Të njëpasnjëshme kanë qenë reagimet e kreut të mazhorancës Sali Berishës për institucionin e administrimit të zgjedhjeve. Gjatë mbledhjes së djeshme të Kryesisë së PD, kreu i mazhorancës lëshoi edhe një herë akuza mbi kreun e opozitës. Për kryeministrin Berisha reagimet e ashpra të opozitës, pas votimit në Kuvend për zëvendësimin e Muhos, ishin qesharake.

Ndërsa theksoi se nuk ka asnjë mundësi që zgjedhjet e qershorit të shtyhen, kryeministri nënvizoi vendosmërinë e qeverisë së tij për të garantuar zgjedhje të lira, në përputhje me standardet ndërkombëtare. “A kishte gjë më qesharake të dalësh jashtë kontrollit se po të marrin anëtarin e KQZ-së.

Ajo që patë në parlament, ajo që patë rreth shtëpisë së Islamit është antikultura e liderit të opozitës. Vazhdojmë me kërkesën të shtyhen zgjedhjet, asnjë dite të vetme, mori përgjigjen përfundimtare. Çfarë tha dje, nëse humbas zgjedhjet nuk do njoh rezultatin se nuk kam mandatin e komisionit aty.

Ky prap po kërkon skuzën që zgjedhjet i fitova por mi vodhën. Ky njeri vuan nga sindromi obsesiv i kleptomanisë. Ky çdo gjë i duket vjedhje, s’është faji im, është problemi i tij. Është i nervozuar shumë, por ato janë punë të tij. Ne garantojmë zgjedhje të lira e të ndershme” u shpreh Berisha.

Shkrimi u botua sot në gazetën Shqiptarja.com (print) 21.04.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21