Edhe në mars çmimet shumë të
ulëta, ekonomia pranë deflacionit

Edhe në muajin mars ekonomia shqiptare është përballur me çmime shumë të ulëta, shumë pranë rënies në deflacion. Sipas të dhënave zyrtare të sapo publikuara nga Instituti i Statistikave, treguesi i inflacionit rezultoi 0.3%, me një rritje të vogël prej vetëm 0.1 pikë përqindjeje krahasuar me muajin shkurt. 

Rënia e inflacionit është shkaktuar kryesisht nga kontributi negativ në indeksin e inflacionit nga grupet e transportit, energjisë e veshjeve.

Çmimet e grupit “Transporti” kanë kontribuar me -0,28 pikë përqindje në indeksin e çmimeve.

Çmimet e grupit “Qira, ujë, lëndë djegëse dhe energji” kanë kontribuar me -0,18 pikë përqindje.

Çmimet e grupeve “Veshje dhe këpucë” dhe “Shëndeti” kanë kontribuar me nga -0,09 pikë përqindje secili. 

Krahasuar me muajin Shkurt 2016, rritja më e madhe mujore e çmimeve vërehet në grupin “Ushqime dhe pije alkoolike” me 1,1 %.

Ulja më e madhe mujore e çmimeve vërehet në grupin “Mobilje, pajisje shtëpie dhe mobilim” me 0,3 %.
 

Redaksia Online
(F.T/shqiptarja.com)