Ndonëse 2020-a ishte një vit pandemik dhe për disa muaj vendi ishte pothuajse tërësisht i mbyllur e më pas shumë punuan online, sërish shpenzimet për veshje dhe këpucë u rritën, duke shënuar një rast unikal në Europë, teksa të gjithë shtetet e tjera rezultojnë se kanë blerë më pak veshje, ose në raport të njëjta me vitin e mëparshëm.
Të dhënat u bënë të ditura nga statistikat e Eurostat. Sipas institucionit europian të statistikave, shpenzimet nominale për frymë për kategorinë veshje e këpucë, të matura në euro, (sipas barazisë së fuqisë blerëse) ishin 151 euro në vitin 2020, duke arritur nivelin më të lartë që nga 2011-a, kur raportohen të dhënat. Në raport me vitin e mëparshëm, ky shpenzim u rrit me 9.4%.
Ndryshe ka ndodhur në shtetet e tjera të rajoni dhe madje edhe të Europës, që duke qenë pothuajse të mbyllur gati gjithë vitin nuk kanë menduar shumë që të ndryshojnë garderobën e tyre. Vetëm në Spanjë shpenzimet për veshje u rritën lehtë me 0.6%, ndërsa në gjithë vendet e tjera kjo tendencë është në rënie, më e fortë në Turqi dhe në Maltë (përkatëisht -47% dhe -53%).
Në vlerë nominale, shqiptarët shpenzojnë më pak për veshje, por kjo është e kushtëzuar nga të ardhurat totale të tyre, ndërsa në raport me shpenzimet totale, pesha është 5.2%, nga 4.6% që është mesatarja e Bashkimit Europian për këtë kategori konsumi, pwr vitin 2019.
Sipas Eurostat, në Shqipëri, çmimet e veshjeve janë sa 92.7% e mesatares europiane. Veshjet më të lira në Europë janë në Turqi (43.6% e mesatares europiane).
Në Shqipëri, përgjatë 2020-s, mbyllja nuk ishte aq drastike sa në pjesën më të madhe të Europës apo më gjerë (me përjashtim të karantinës së vendosur në mars dhe prill). Por kjo nuk pengoi shqiptarët që të ndryshojnë stilin e veshjes apo më saktë, mënyrën sesi shpenzojnë për veshje dhe çfarë blejnë gjatë kësaj kohe bashkëjetese me virusin. Disa nga grupet më të mëdha të tregtimit të veshjeve në vend konfirmojnë se teksa veshjet e mbrëmjes dhe të eventeve kanë pësuar rënie drastike, ato “casual” dhe sportive e ndien tronditjen vetëm në fillim të pandemisë, duke iu kthyer normalitetit gradualisht.
Petro Kumi, administrator i Balkan Sport (grup që ka nën vete disa marka sportive të ndara në dy kompani) konfirmon se pavarësisht situatës së pandemisë, përjashto fillimin me karantinën, ecuria e segmentit të veshjeve sportive nuk është prekur shumë.
“Covid-19 zgjoi një trend për jetë aktive dhe të shëndetshme, që do të thotë që si për qëndrimin apo ushtrimin në shtëpi, edhe për daljet në ajër të pastër, për ecje në natyrë, male, njerëzit zgjodhën të shpenzonin për rroba dhe pajisje sportive” – shprehet ai.
Një target i sigurt për veshjet sportive është rinia e cila gjithmonë e më shumë po zgjedh veshjet komode në përditshmëri, ndërkohë që është më e vëmendshme edhe ndaj tendencave brenda këtij segmenti. Por edhe mosha e tretë e ka kthyer vëmendjen te veshjet sportive gjatë periudhës së pandemisë.
“Rinia ka nisur të konsiderojë këtë kategori si të pandarë nga përditshmëria. Shihet si moderne dhe mund ta konstatosh fare lehtë, teksa shumica vishen me atlete në përditshmëri. Ky është një target i sigurt për dyqanet me veshje sportive. Një studim që kemi parë ka dalë në përfundimin se veshjet sportivet morën atë që nuk u shpenzua për segmentet e tjera.
Një moshë më e rritur gjithashtu e konsideron sportiven stil jetese, pasi e mban në shtëpi apo për daljet e shpejta. Kjo u përforcua më shumë gjatë pandemisë” – thotë z. Kumi /Monitor
Lajme të tjera
-
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
-
Kuvendi i paguan nga 35 mijë lekë në muaj qiranë në Tiranë 19 deputetëve! Kryesojnë më “pasivët” në seanca
14 Shtator, 14:49
-
Shqipëria fitoi nga turizmi 394 mln € më shumë se vjet, por u vizitua nga të huajt “koprracë”
10 Shtator, 16:05
-
Erdhi nga Italia për pushime në Shqipëri, 38-vjeçarja italiane vdes nga miokarditi, ishte shtruar në spital për Covid
27 Gusht, 14:10 -
OBSH për Evropën: Vaksinimi shpëtoi 2 milionë persona nga vdekja prej COVID
10 Gusht, 16:43 -
OBSH shpreh shqetësim për shkallën e ulët të vaksinimeve kundër koronavirusit
6 Gusht, 21:51 -
Lojërat Olimpike në Paris, OBSH: Të paktën 40 atletë me Covid
6 Gusht, 18:04 -
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Në 3 muaj emigrantët sollën në Shqipëri 242 mln €! Qytetarët: Ata na mbajnë gjallë, ku i dilet ndryshe
11 Qershor, 15:50
-
2023-shi “mbushi” spitalet! Rreth 30 mijë persona më tepër të shtruar! Kryeson “zemra”
24 Maj, 17:10
-
AstraZeneca e pranon: Vaksina anti-COVID ka një efekt anësor
30 Prill, 20:05 -
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16
