POP 5

Lajmet më të lexuara të 5 minutave të fundit

Tirana

Edhe tepelenasit si tropojanët, i japin fjalën Veliajt për bashkëpunim e prishje vullnetare të ndërtesave pa leje te ‘Astiri’

Gjatë një takimi informal që pati me ta mëngjesin e sotëm, Veliaj gjeti mirëkuptimin e banorëve të zonës së Astirit për të bashkëpunuar me Bashkinë e Tiranës dhe për t’i hapur rrugë zhvillimit të projektit të Unazës së Madhe

Pak ditë më parë, pasi shtrëngoi dorën e bashkëpunimit me komunitetin tropojan, kuksian dhe dibran te “Astiri” (SHIKO KËTU), të cilët i dhanë fjalën kryebashkiakut Veliaj se do të prishnin vetë ndërtimet pa leje në atë zonë e më pas e bënë realitet, kreu i Bashkisë së Tiranës mori sot edhe dakordësinë e komunitetit nga Tepelena, Skrapari dhe Korça, për vijimin e projektit të Unazës së Madhe.

Ashtu si edhe Ukë Çelkolaj nga Tropoja, edhe Servet Merko nga Tepelena gjatë një takimi informal i dha fjalën kryebashkiakut dhe u shpreh i gatshëm që të lirojë ndërtesat e tij pa leje te “Astiri”, për t’i krijuar mundësi më pas mjeteve të IMT-së që të vazhdojnë me prishjet.

“Kemi një muaj që e kemi boshatisur, e kam larguar qeraxhiun. Jemi për zhvillimin, është diçka që i shërben gjithë qytetit”, tha Servet Merko në krah të Veliajt.

Veliaj falenderoi banorët që janë distancuar nga aktet e bllokimit të rrugës dhe që kanë pranuar që t’i hapin rrugë projektit për transformimin e segmentit nga Pallati me Shigjeta deri te Dogana, në një rrugë që jo vetëm do sjellë zhvillimin e zones, por edhe do të çlirojë trafikun e makinave, duke lehtësuar lëvizjen e qytetarëve.

“Dua t’i falenderoj publikisht të gjithë miqtë, si ata nga Tropoja, Kukësi dhe Dibra që gjetën gjuhën me bashkinë për të bërë zhvillimet e tyre në anën tjetër, ashtu edhe miqtë tanë nga Tepelena, Skrapari dhe Korça të interesohen për familjet dhe për zhvillimin e tyre”, tha Veliaj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15