Edi Martini: Teuta do fokusohet në kampionat, Tiranës i uroj të fitojë Kupën

Edi Martini: Teuta do fokusohet në kampionat, Tiranës i uroj të fitojë Kupën

Edi Martini, trajneri i Teutës

Tirana eliminoi Teutën nga Kupa e Shqipërisë, pas dy ndeshjeve me rezultatin e përgjithshëm 3-0. Pas ndeshjes për Oversport foli trajneri i durrsakëve, Edi Martini. Trajneri shkodran i ka uruar Tiranës të fitojë Kupën, me të tijtë që do fokusohen në kampionat.

"Ndeshja e parë ndikoi në anën psikologjike, aq më tepër të përmbysësh atë rezultat përballë Tiranës. Edhe gjendja fizike ka qenë e ngarkuar, pasi me këtë grup lojtarësh kemi luajtur këtë periudhë. E dinim që përmbysja do të ishte e vështirë dhe rezultati i kësaj ndeshjeje nuk ndikon për sfidat e kampionatit. Janë edhe 4 ndeshje në kampionat dhe ne pretendojmë që të sigurojmë një vend në Kupat e Europës.

Skuadra po bën mirë dhe jemi optimistë për të arritur këtë objektiv. Do bëjmë të pamundurën që të arrijmë vendin e katërt. Kalendari është i vështirë, do të bëjmë maksimumin dhe shpresojmë që tia dalim. Sfida e radhës në Shkodër është shumë e vështirë, por ne do të synojmë deri në fund Europën. I uroj Tiranës që të fitojë Kupën", tha Martini.


Lajmi kryesor:

VIDEO/ Fitore historike kundër Vllaznisë, Egnatia në finalen e Kupës së Shqipërisë përballë Tiranës


S.DH/Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet