Edi Rama shmang terminalin
vip, kalon në atë të qytetarëve

Para nisjes drejt Gjermanisë për të marrë pjesë në samitin e Berlinit që do të zhvillohet më 28 gusht, kryeministri Edi Rama ka mbajtur një konferencë nga Aeroporti i Rinasit.



Në krah të kryeministrit kanë qëndruar edhe dy anëtarët e kabinetit të tij, bëhet fjalë për ministrin e jashtëm Ditmir Bushati dhe ministrin e ekonomisë Arben Ahmetaj.



Në sy ranë edhe disa detaje interesante, si përzgjedhja e ngjyrës që dy ministrat i kanë bërë kostumit dhe këmishës duke qenë e njëjtë me atë të shefit të tyre (Ramës).Nuk dihet nëse ka qenë rastësi apo...



Një tjetër detaj ishte se pas konferencës kreu i qeverisë nuk i ka thënë jo kërkesës së qytetarëve për të bërë një foto me të në ambientet e jashtme të aeroportit.



Kryeministri Rama së bashku me dy ministrat kanë shmangur hyrjen për në terminalin vip duke zgjedhur të hyjnë në të njëjtin terminal si të gjithë qytetarët e thjeshtë.

 

Redaksia Online