Edicioni i 16-të i karnavaleve çel sezonin turistik në Korçë, zbukurohen rrugët e qytetit me kostume shumëngjyrëshe e maska veneciane

Korça është kthyer përsëri në kryeqendrën e festimeve, këtë herë në çelje të sezonit turistik edhe në ditën e Karnavaleve ku do të performojnë rreth 30 grupe nga Shqipëria dhe nga Ballkani.

Një festë madhështore me paradë dhe ballo shumëngjyreshe maskash veneciane  zbukuruan rrugët e qytetit të serenatave prej orëve të para të mëngjesit.

Me kostume shumëngjyrëshe dhe veshje të personazheve të filmave grupet pjesëmarrëse vendase e të huaja parakaluan me madhështi para qytetarëve dhe turisteve që u bën pjesë e festës.

“Për mua është viti i tretë. Vtin e parë isha bërë si një kuzhinier, vtin e dytë kisha rolin e shtrigës së Borëbardhës dhe viti i tretë në rolin e Bali i Beut”, shprehet një nga personazhet.

“Jam në rolin e Sulltanit pasi më përshtatet më shumë”, thotë një personazh tjetër.

“Më pëlqen kjo veshje që kam edhe pse me këtë vapë, por më pëlqen t’i kënaq njerëzit”, thotë një vajzë e veshur me maskë veneciane.

“Unë jam në rolin e Sulltaneshës dhe më pëlqen shumë”, thotë personazhi tjetër.

“Për mua është kënaqësi të ndalesh e të përshënesësh njerëzit në rrugë pasi është kënaqësi të vishesh si personazh, të bësh prova me grupet. Është shumë këndëshëm çdo gjë”, thotë një vajzë tjetër.

Për organizatoren Zamira Kita, atmosfera e karnavaleve është kartolina më e bukur e qytetit.

“Kënaqësi që mbërritëm në edicionin e 16-të. Grupet janë nga më të bukurat. Ajo që është më e bukur, më festove është pjesëmarrja e korçarëve. Ne kemi rreth 30 grupe me fabula dhe ide shumë interesante, kostume dhe maska shumë të bukura.  Të gjithë të veshur karnavla shëtisim në rrugët e qytetit, Bulevardin “Fan Noli” Do të kemi performancën kryesore të festivalit të t Karnavaleve në orën 19.00 nga “Lugina e lotëve” tek Bulevardi “Republika”, do të mblidhemi tek katedralja dhe do të kulmojë  me Carnaval Party tek Pazari i Vjeter. Do të kemi një atmosferë shumë të gëzuar  në bare, restorante në çdo vend të Korçës pasi ne çelim dhe sezonin tursitik veror”, tha Zamira Kita.

Në festivalin e karnavaleve, kthyer tashmë në traditë marrin pjesë grupe nga Greqia, Bosnja, Maqedonia e Veriut dhe Serbia.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Forcohet leku, monedhat e huaja sërish në rënie! Ja sa këmbehen sot

Forcohet leku, monedhat e huaja sërish në rënie! Ja sa këmbehen sot