Edicioni i 67 i Sanremo, Ermal
Meta kualifikohet në natën finale

Emocione dhe spektakël dhuroi nata e parë edicionit të 67 të këngës italiane Sanremo. E më e veçantë kjo natë ishte edhe për shqiptarin Ermal Meta i cili mori pjesë për herë të dytë në festivalin më të famshëm të muzikës italiane.
 
Duke kënduar mes emrave më të njohur të muzikës italiane, kantautori shqiptari me këngën Vietato Morire arriti të kualifikohet për në natën finale duke mrekulluar publikun Italian dhe jurinë. Ai u klasifikua mes 11 emrave të mëdhenj të muzikës italiane si Al Bano dhe Fiorela Manoja, ndërsa la pas në rrezik eliminimi Xhuzi Ferrerin dhe Ronin.