Lumi i kallëzimeve politike që në dy vitet e fundit ka pushtuar (dhe bllokuar) zyrat e SPAK-ut, nisi me inskenimin që Ervin Salianji organizoi së bashku me një gazetar të PD-së dhe disa bashkëpunëtorë të tjerë, për të tentuar të akuzonte si trafikant droge vëllain e ministrit të Brendshëm, Fatmir Xhafaj, i cili, pas atij "scoop"-i politiko-gazetaresk (të rremë), dha dorëheqjen nga posti. Qëllimi i atij inskenimi, që sot edhe Gjykata e Apelit e ka konsideruar "kallëzim të rremë", ishte i njëjti që prej asaj kohe ka frymëzuar shumë herë veprimet e opozitës: Të përpiqet të shndërrojë në procese gjyqësore shpifjet që dikur Sali Berisha i shkruante në profilin e tij të Facebook-ut, duke i paraqitur ato si denoncime autentike të një "qytetari dixhital" të paqenë.
Nuk është hera e parë që Partia Demokratike përdor këtë metodë: Që nga koha e procesit inskenuar që në 1994 çoi në arrestimin e kreut të opozitës Fatos Nano për të njëjtën histori korrupsioni që në Itali u mbyll, deri te Babale, lista e shpifjeve të shndërruara në akuza gjyqësore kundër kundërshtarëve politikë, është shumë e gjatë. Metoda e "kallëzimeve të rreme" ka vazhduar edhe shumë pas çështjes Babale, dhe vazhdon edhe sot, dhe është për të ardhur keq që i pari që paguan është pikërisht Ervin Salianji që ndër kamikazët e Berishës është ai që ka përdorur më pak nga të gjithë këtë sistem barbar të hakmarrjes politike.
Tani Saljani do të përfundojë në burg dhe për shkak të ligjit për dekriminalizimin të miratuar në 2015 nga parlamenti, pikërisht si një nismë e PD-së dhe publikisht e mbështetur edhe nga Ervin Salianji, jo vetëm që do të humbasë mandatin e deputetit, por nuk do të mund të zgjidhet për dy legjislaturat e ardhshme. Një dënim shumë i ashpër për çdo politikan, shumë më i rëndë sesa 12 muajt e burgut (që ndoshta do t'i vuajë jashtë qelisë), por që tani vlen si një mesazh për të gjithë shpifësit e çdo force politike: të bësh një kallëzim në SPAK (ose edhe dy) duke shpikur qëllimisht akuza kundër një kundërshtari politik është shumë e lehtë. Të shpallësh kallëzimin në shtyp si një triumf të së vërtetës është edhe më eksituese. Shumë e lehtë është edhe të mashtrosh opinionin publik dhe elektoratin tënd duke i bërë të besojnë për muaj ose vite të tëra se ai kallëzim nuk është vetëm një akuzë për t'u provuar, por është prova përfundimtare e fajësisë.
Neni 305 i kodit penale flet qarte: ''Kallëzimi për kryerjen e një krimi që dihet se nuk është kryer ose për kryerjen e një krimi nga një person që dihet se nuk e ka kryer atë, si edhe, krijimi i provave të rreme me qëllim që të bëhen ndjekje penale, dënohen me gjobë ose me burgim gjer në pesë vjet''.
Ja pse problemi fillon më pas, kur zbulohet se ai ishte një kallëzim i rremë, dhe atëherë beteja politike e bazuar në shpifje bëhet një bumerang që shkatërron karrierën politike të shpifësit.
Ndoshta Ervin Salianji nuk e meritonte të ishte i pari që të paguante këtë çmim të lartë, por dënimi i tij duhet të vlejë si një paralajmërim për të gjithë shpifësit: drejtësia vonon, por nuk harron. Dhe kur të vijë momenti i së vërtetës, çmimi që duhet të paguajë ai që ka gënjyer qëllimisht, siç shihet me Ervin Salianji, është shumë, po shumë më i lartë nga sa kanë imagjinuar ndonjëherë.
Komente
Lajme të tjera
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Ervin Salianji: Rama si Hibatullah Akhundzada! Për kushtetutë imponon karakterin e tij, për qeveri personalitetin e tij
15 Dhjetor, 14:01
-
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
PD përkujton 34-vjetorin e themelimit, Salianji mesazh nga qelia: Do jemi bashkë për të festuar triumfin e së mirës mbi të keqen
11 Dhjetor, 20:18 -
Ervin Salianji letër nga qelia: Hipokrizia me 8 Dhjetorin, ka festë por s’ka rini!
7 Dhjetor, 11:43
-
U dënua me 1 vit burg për kallëzim të rremë, Salianji bën rekurs në Gjykatën e Lartë
4 Dhjetor, 16:31 -
Ervin Salianji: Ndjesë për Sami Repishtin, dhe një porosi për demokratët
1 Dhjetor, 12:48
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Ervin Salianji u dënua me 1 vit burg, Ja vendimi i arsyetuar i gjykatës së Apelit për ish-deputetin e PD-së
18 Nëntor, 13:01 -
Apeli zbardhi vendimin, Ervin Salianji reagon nga Burgu i Fierit: Gjykata na mëson se si bëhet politikë, asnjë provë dhe argument ligjor! 50 ditë në burg me urdhër të Ramës
18 Nëntor, 11:42 -
Fitorja e Trump/ Salianji letër nga qelia: Triumfi i tij ishte i jashtëzakonshëm! Edhe në Shqipëri ka sulme dhe tentativa për të asgjësuar kundërshtarin
17 Nëntor, 12:23
zoti I pafte te gjith shpifsat atje ku I dhemb me shume
Përgjigjunje dileme e madhe se kush do ti bjere kembanes se grides..,aty ku meshtari therret dhe i pergjigjet ekoja..
PërgjigjuNjë big bravo për drejtësinë dhe e inkurajojmë të vazhdojë me tej se ka shumë pika si soji salianji ky vend.ai mendonte se ishte shaka se kështu janë mësuar kta të jenë mbi ligjin.shume mire qe ju fundos hunda. Ps: grida është e vetmja e mërzitur realisht
PërgjigjuKa shum rēndēsi qē njē wc e shpifur si Salinjani u largua nga parlamenti. Njē bravo e madhe pēr drejtēsin.
PërgjigjuBello next please! Se jo vetëm është shok i babales por më keq akoma.
PërgjigjuGjobaxhiut bello do i vij rralla se ball haramake ka ba
PërgjigjuNje vemje me pak.
PërgjigjuNje hale me pak
Shpifjet u shëndrruan në afera pastaj nga gjyqtarë të korruptuar u këthyen në gjyqe të rënda ku këto gjyqe politike dhe dënime politike duhet të jetë kapitull i veqantë përSPAK që gjyqtarë dhe prokurorë të korruptar të përgjen për abuzimet me sistemin e drejtësisë
PërgjigjuTe pastrohet bellua nga gjobat njiherr
Rradhen e ka bello qe shpif gjith diten me frymzin e mulit
Përgjigju