POP 5

Lajmet më të lexuara të 5 minutave të fundit

Opinion

Eduard Zaloshnja: Korça, qarku ku do të pakësohet një mandat parlamentar

Nga një analizë e hollësishme e të dhënave të dy zgjedhjeve të fundit në 427 qendra votimi të qarkut, më rezulton se PS-ja i ka të sigurta 6 mandatet në qark dhe opozita mbetet me 4 mandate parlamentare (madje edhe 4 mandate ndoshta si arrin dot).

Eduard Zaloshnja: Korça, qarku ku do të pakësohet një mandat parlamentar

(Analizë në kuadrin e një cikli paraprak analizash elektorale për 12 qarqet e Shqipërisë)

Në zgjedhjet e fundit parlamentare (më 2021), PS-ja mori në Qarkun Korçë 6 mandate parlamentare nga 11 që kishte gjithsej qarku. Ajo mori 9585 vota më shumë seç i duheshin për të siguruar 6 mandatet e saj.

Po shumë ujë ka rrjedhur qysh atëherë në Lumin Devoll.

Kështu, numri i shtetasve që figurojnë në regjistrin e Gjendjes Civile të qarkut është pakësuar në krahasim me qarqet e tjera. Si rezultat, gjasat janë të mëdha që Qarku Korçë të mbetet me 10 mandate parlamentare, nga 11 që kishte deri më 2021. Ndërkohë, gjasat janë që PD-ja dhe LSI-ja të garojnë me listë të përbashkët (që mos t’u shkojnë vota dëm, si më 2021).

Një provë paraprake e listës së përbashkët opozitare u bë vjet në zgjedhjet lokale, ku LSI-ja përkrahu në terren kandidatët e Berishës për kryebashkiakë (e anasjelltas). Dhe ata kandidatë në gjashtë bashkitë e qarkut morën vetëm 37% të votave. Kuptohet që në garën parlamentare ka më shumë kandidatë që do të kërkojnë votat në terren, por rezultati i vjetshëm tregon se PS-ja e fillon garën me një epërsi të ndjeshme paraprake.

Nga një analizë e hollësishme e të dhënave të dy zgjedhjeve të fundit në 427 qendra votimi të qarkut, më rezulton se PS-ja i ka të sigurta 6 mandatet në qark dhe opozita mbetet me 4 mandate parlamentare (madje edhe 4 mandate ndoshta si arrin dot).

SHËNIM: Llogaritjet e mësipërme presupozojnë se përkrahja e zgjedhësve që do të votojnë me postë nga jashtë vendit do të jetë e ngjashme me përkrahjen që kanë partitë nga zgjedhësit e këtushëm të Qarkut Korçë.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Rama ‘debat’ me emigranten në Athinë: Nëse administrata do ishte zero, s’do na thoshte hajdeni BE! Mos më thoni se në Greqi është perfekt çdo gjë

Rama ‘debat’ me emigranten në Athinë: Nëse administrata do ishte zero, s’do na thoshte hajdeni BE! Mos më thoni se në Greqi është perfekt çdo gjë

30 Mars, 17:54