Nga një sondazh që prezantova mbrëmë në Report TV (https://shqiptarja.com/lajm/a-do-ja-heqetrump-non-graten-sali-berishes-termometri-politik-per-nentorin-sondazhi-ekskluziv-ne-bashkepunim-me-eduard-zaloshnjen-neser-ne-report-tv-ora-2100 ), rezultoi se vetëm 40.6% e zgjedhësve të prirur për të votuar (këtu dhe në emigracion) kanë një vlerësim pozitiv për punën e qeverisë në përgjithësi. Nga ana tjetër, vetëm 32.4% e zgjedhësve të vendosur për të votuar qysh sot (këtu dhe në emigracion) janë gati të votojnë për partinë më të madhe opozitare, PD-në.
Hendekun e madh mes këtyre dy shifrave e mbushin zgjedhës që votojnë sot për parti të vogla dhe votues që janë të prirur për të votuar, por që janë ende të lëkundur.
Po pse vetëm 1/3 e atyre që janë të vendosur të votojnë qysh sot ia japin votën PD-së, partisë më të madhe opozitare?
Në krye të saj është një 80-vjeçar që iku nga pushteti pasi mori 1 milion “shuplaka” elektorale në zgjedhje para 11 vjetësh, dhe që u rikthye me vrull në krye të PD-së vetëm pasi po i ngushtohej laku i drejtësisë për çështje penale si “Klubi Partizani”, “21 janari”, etj. Votuesit e zonës gri e nuhasin siç duket këtë gjë, dhe vetëm simpatizantët e tij të flaktë janë gati qysh sot të votojnë për PD-në.
Fakti që kryetari aktual i PD-së është 80-vjeçar dhe synon të rikthehet në pushtet pas një dështimi elektoral, nuk e përjashton mundësinë e suksesit të tij. Tek e fundit, Trumpi është 78 vjeç dhe u rikthye në pushtet, pasi iku prej prej pushtetit me zgjedhje. Por në rastin e Trumpit, ai iku nga pushteti vetëm për 44 mijë vota (sa popullsia e Pogradecit) në katër shtete kyçe të federatës amerikane (në gjithë SHBA-në votuan plot 160 milionë zgjedhës kur humbi Trumpi). Ndërsa kryetari aktual i PD-së iku nga pushteti me 1 milionë “shuplaka” elektorale, kur votuan gjithsej 1.72 milionë shqiptarë…
SHËNIM: Partive të reja ia japin votën 14% e atyre që janë të gatshëm të votojnë qysh sot. Por përvoja e gjatë e sondazhve parazgjedhore në Shqipëri ka treguar se partitë e reja dalin mirë në sondazhe shumë muaj para zgjedhjeve, por treten si kripa në det muajin e fundit të fushatës zgjedhore. Si rezultat, shumica dërrmuese e mandateve ndahen zakonisht mes dy partive të vjetra kryesore. Të shohim nëse kësaj rradhe, partitë e reja nuk do treten si kripa në det…
Lajme të tjera
-
Shpërthen ish-deputeti PD për çlirimin e Tiranës: Një komunist i mirë, është një komunist i vdekur
17 Nëntor, 12:11 -
Rubio, nga 'Marco i vogël' në sekretar i Shtetit të SHBA
17 Nëntor, 09:07 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
'Kryebashkiakja e Kurbinit dosjet mal në SPAK', PD: Abuzime me rindërtimin, vjedhje të pronave dhe korrupsion
16 Nëntor, 21:30 -
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Senatorët demokratë kërkojnë hetim federal për komunikimin 2-vjeçar mes Musk dhe Putin
16 Nëntor, 20:00 -
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42 -
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39 -
Frrok Çupi: Këta të bëjnë me zor ta duash Enver Hoxhën
16 Nëntor, 16:48
-
SHBA përgatit transferimin e pushtetit, mekanizmi i ka fillesat në vitin 1797
16 Nëntor, 16:20
