POP 5

Lajmet më të lexuara të 5 minutave të fundit

Sport

Eglantina, e para grua që kandidon për postin e presidentes në peshëngritje: Njoh problematikat e këtij sporti, kam ide dhe projekte

Në zgjedhjet e 14 nëntorit për postin e presidentit së federatës shqiptare të peshëngritjes do të kandidojë për herë të parë një grua.

Eglantina Çuni është e para grua që do kandidojë për herë të parë për presidente të Federatës Shqiptare të Peshëngritjes, në zgjedhjet që do të mbahen me 14 nëntor. Aktualisht ajo është trajnere e një ekipi në Elbasan, ndërsa përballë do të ketë presidentin aktual të peshëngritjes, Theodhor Masllavica. Për Report Tv Çuni tregon arsyen përse zgjodhi të kandidonte për këtë post.

“Kur filloj gara për presidentin e peshëngritjes mendova përse të mos kandidoj dhe unë për të kontribuar sa më fort për të mirën e këtij sporti. Njoh problematikat që në bazë sepse edhe vet vij nga baza ku jemi çdo ditë me sportistet dhe problemet e përditshme. Kam pasionin, ide dhe një projekt që kam ëndërr ta vë në zbatim.”

E pyetur se çfarë do të thotë për një grua apo vajzë që të jetë kandidate për presidente në peshëngritje, një sport burrëror, Çuni përgjigjet:

“Kandidimi im si femër është një risi, por më tepër se kaq unë do e quaja edhe normalitet përderisa në peshëngritje ka dhe sportiste femra që kanë bërë histori. Në rast fitoreje nga ana ime në këtë post të rëndësishëm është një bonus i mirë edhe për emancipimin e femrave qe ta shikojnë peshëngritjen si sport të bukur dhe jo si një tabu. Unë e ndjej veten të fortë dhe gati si femër."

E pyetur se si e vlerëson punën e Theodho Masllavicës, presidentin aktual dhe rivalit në zgjedhjet e 14 nëntorit, Çuni përgjigjet:

“Puna e presidentit aktual është një punë e mirë, por jo e mjaftueshme. Nuk mjafton vetëm lufta anti-doping për të thënë që është bërë shumë. Nesër s’do kemi sportista sepse s’kemi brezin e ri dhe nëse s’do kemi sportista kujt do i bëjme kontroll doping.

Presidenti aktual ka patur kohën e nevojshme për të bërë shumë më tepër se kaq, por siç e përmenda edhe më lart në federatë  ka përplasje idesh dhe kjo gjë e dëmton federatën.”

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56