Eglantina, sopranoja e 'Ditarit në vargje'! Enri, djali i mozaikëve të Beratit: Kalova një periudhë të errët, poezia e arti më shëruan! Vepra feministe ‘Gruaja e ngrënshme’

Titulli: “Ditar në vargje

Autore: Eglantina Bakiu

Shtëpia Botuese: “Toena”

Çmimi: 1100 lekë

35 vitet si soprano në "Opera" Eglantia Bakiu i përmbledh në vargje në "Nostalgjinë e artistit" me mallin për emocionet e skenës e të publikut por edhe merakun, që të ketë lënë gjurmë të bardha në aspektin human. Është një nga 116 poezitë e vëllimit të saj "Ditar në vargje", ku sjell refleksione të kushtëzuara nga aspekte personale e përmes tyre mesazhe universale. Muzika është e pranishme në këtë "tingull të gjatë" përjetimesh poetike, ku Eglantina, si një nënë-grua që rriti e vetme bijën e saj, shkruan për forcën 'luftarake' të femrës me brishtësinë, bukurinë e dëshirat e saj. Autorja artiste hulumton në botën e brendshme të njeriut duke këmbëngulur në triumfin e së mirës, sodit natyrën, sjell ndjesi nga ngjarje e vende, që ngjashmërisht na rrethojnë.

 

Titulli: “Epigrame

Autor: Enri Mançe

Shtëpia Botuese: “Ada”

Çmimi: 500 lekë

"Epigramet" e Enri Mançes lindin në një periudhë të errët të jetës së tij. I izoluar ai thërret në ndihmë pasionin e kahershëm për shkrimtarinë dhe përmes poezisë bën "katharsis". Si një artist amator i mozaikëve, që ai krijon në Beratin e tij, Mançe ndërthur të dy pasionet. Ndërton epigram pas epigrami, me “guralecët” e përvojës së tij, hartën e plagëve të shoqërisë sonë, të cilën kërkon ta pastrojë përmes efektit kurativ i artit.

 

Titulli: “Eksepsionalizmi amerikan & lidershipi global i SHBA

Autor: Fatos Tarifa

Shtëpia Botuese: “Onufri”

Çmimi: 1500 lekë

Diplomati e sociologu i njohur Fatos Tarifa, boton librin e tij të 7-të mbi Amerikën. Me "Eksepsionalizmi amerikan dhe lidershipi global i Shteteve të Bashkuara të Amerikës", studiuesi sjell një qasje krahasimore analitike të ndërtuar mbi baza të forta historike e gjeopolitike, ku rrëfen çka e bën këtë superfuqi më të veçantin ndër vende, prej vetëkrijimit deri në ditët e sotme.

 

Titulli: “Gruaja e ngrënshme

Autore: Margaret Atwood

Shtëpia Botuese: “Pegi”

Çmimi: 1200lekë

Staira therëse "Gruaja e ngrënshme" është romani i parë i Margaret Atwood, që vjen në shqip nga Jerina Dushku.  New York Times e konsideron një vepër feministe, “ku gruaja ka të ngjarë të bëhet një tjetër produkt “i ngrënshëm”, komercializuar për oreksin e krijuar”. Ngjarjet ambientohen në vitet '60 dhe protagonistja Marianë MekAlpin është një vajzë e formua e fejuar me Pjetërin "që i bindet" rregullave të shoqërisë patriakaliste. Derisa një mbrëmje, ajo rebelohet dhe arratiset. Njohja me Dankenin do të shënojë një kthesë në jetën e Marianës, që do të nisë të refuzojë gradualisht ushqimin.

K.M/A.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Veliaj pret Presidentin dhe Sekretarin e Federatës Ndërkombëtare të Motoçiklizmit: Koha për një pistë për sportet e Motocross-it në Tiranë

Veliaj pret Presidentin dhe Sekretarin e Federatës Ndërkombëtare të Motoçiklizmit: Koha për një pistë për sportet e Motocross-it në Tiranë