POP 5

Lajmet më të lexuara të 5 minutave të fundit

Sport

Egnatia vjen në 'Air Albania' me 17 autobusë me tifozë, Kukësi i sfidon për trofeun e 72-të në Kupën e Shqipërisë

Kukësi dhe Egnatia luajnë të martën në 19:00 për finalen e Kupës së Shqipërisë, trofeu i 72-të në historinë e këtij eventi.

Egnatia vjen në 'Air Albania' me 17 autobusë me tifozë, Kukësi i sfidon për trofeun e 72-të në Kupën e Shqipërisë

Kupa e Shqipërisë

Kukësi dhe Egnatia luajnë të martën në 19:00 për finalen e Kupës së Shqipërisë, trofeu i 72-të në historinë e këtij eventi. Nga Rrogozhina drejt "Air Albanias" në Tiranë pritet të udhëtojnë një numër i konsiderueshëm tifozësh, teksa janë konfirmuar 17 autobusë me tifozë, veç atyre që do udhëtojnë privatisht apo që banojnë në kryeqytet. Edhe nga ana e Kukësit pritet që të ketë mbështetje të konsiderueshme.

Të dyja skuadrat kanë pasur një ecuri fantastike këtë sezon në Kupën e Shqipërisë, teksa rrugëtimi i tyre nisi në fazën e 1/8-ave. Kukësi avancoi më tej pasi mundi Elbasanin 1-0, ndërsa Egnatia fitoi ndaj Lushnjes 2-0.

Në çerekfinale, Kukësi bëri mrekullinë pasi ja doli të kalonte Partizanin, duke avancuar më tej vetëm nga penalltitë, ndërsa Egnatia i fitoi të dyja takimet me Laçin dhe siguroi kualifikimin.

Për të kaluar në finale të dyja skuadrat nuk e patën aspak të lehtë. Kukësi u përballë me Tiranën dhe falë fitores në ndeshjen e parë në shtëpi dhe mbrojtjes së rezultatit në takimin e dytë siguroi finalen.

Në anën tjetër, Egnatia gjeti Vllazninë në gjysmëfinale dhe pas triumfit në ndeshjen e parë, gjiithçka u vendos në sfidën e kthimit në “Loro Boriçi” ku Egnatia realizoi golin e kualifikimit vetëm në shtesë, duke siguruar finalen e dytë radhazi në Kupën e Shqipërisë.

Një rrugëtim i jashtëzakonshëm për të dyja skuadrat që të martën në mbrëmje në stadiumin “Air Albania” prej orës 19:00 do të luftojnë për të fituar trofeun e 72-të në histori të Kupës së Shqipërisë. Egnatia është mbajtëse në fuqi e trofeut.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03