POP 5

Lajmet më të lexuara të 5 minutave të fundit

Kultura

EGS dhe Geagea rrëfejnë artin 
e rrugës në Galerinë Kombëtare

Me titullin “Five” punët e dy artistëve finlandezë janë ekspozuar mbrëmë në Galerinë Kombëtare të Arteve dhe do të qëndrojnë të ekspozuara deri me 22 Korrik. 
TIRANE- Me titullin “Five” punët e dy artistëve finlandezë janë ekspozuar mbrëmë në Galerinë Kombëtare të Arteve dhe do të qëndrojnë të ekspozuara deri me 22 Korrik. Një grafikë e realizuar në murin anësor të shkollës “Edhit Durham” që jep imazhin e hartës së botës mban firmën e njërit prej artistëve finlandez që vetëquhet EGS. Artisti rikthehet në Tiranë për realizimin e grafikave në disa mure të kryeqytetit. EGS është i njohur ndërkombëtarisht për grafikat e tij, duke u bërë pjesë e grupimit të madh të artistëve që merren me artin e rrugës kudo në botë.

Gjysmë i mbuluar me një shall rreth gojës, për të fshehur identitetin e tij, sipas një tradite të krijuar nga grafistët e rrugës, EGS zbulon se ka një lidhje të veçantë me Shqipërinë, pasi për herë të parë e ka vizituar atë në vitin 1986 kur ishte 12 vjeç. “Ekspozita jonë, veçanërisht punët e mia me hartat janë pjesë e një proçesi që ka nisur vite më parë dhe që frymëzohet nga eksperiencat tona në 5 kontinentet e globit, prandaj ekspozita titullohet “Five”.  Pjesë e këtij arti është bërë edhe Shqipëria, e cila ka mbetur në memorien time kur e vizitova për herë të parë me mamanë time në vitin 1986 në një kohë kur ishte shumë e vështirë për ta vizituar.

Është hera e parë që përdor këtë kombinim ngjyrash në këto harta, pra kuq e zi, pasi kam respektuar këtë vend, ngjyrat tuaja kombëtare, pasi për mua si artist flamuri shqiptar është më i fuqishmi në botë, të paktën ky është gjykimi im duke e parë nga imazhi dhe dizajni”, tha EGS dje në konferencën për shtyp. Artisti EGS është ftuar nga Galeria Kombëtare e Arteve për t’i shndërruar disa nga veprat e tij me përmasa të mëdha në tablo që mund të ekspozohen brenda. Dhe tashmë ai ka gati për ekspozim ciklin e hartës së botës, ku dominojnë ngjyrat kuq e zi. Bashke me EGS, Galeria ka ftuar edhe artisten tjetër finlandeze, Noora Geagea, e cila sjell fotografinë e Tiranës të parë në këndvështrimin e saj artistik.

Drejtori i GKA Artan Shabani tha dje se “Noora Geagea dhe EGS janë dy artistë të njohur në sistemin e artit bashkëkohor në të gjithë botën. Është kënaqësi për ne t’i kemi këtu në Galerinë Kombëtare, duke pasur parasysh që EGS vjen  sëfundmi nga Art Basel,  një nga ekspozitat – panair më të rëndësishme të artit bashkëkohor”. Ndërsa artistja Noora Geagea u shpreh se “Ka qenë një eksperiencë shumë e bukur. Kemi udhëtuar, kemi parë vende dhe kemi takuar njerëz këtu në Shqipëri. Une dua që puna ime të flas vetë dhe t’ju lejoj njerëzve një hapësirë ku gjithësecili të gjejë këndvështirmin e tij personal”. 


Shkrimi u botua në Shqiptarja.com (print) në 11 Korrik 2014

Redaksia Online
(d.a/shqiptarja.com)  
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Ardian Vehbiu: Histeria ndaj kryepeshkopit Anastas

Ardian Vehbiu: Histeria ndaj kryepeshkopit Anastas

28 Janar, 21:45 nga Ardian Vehbiu