Sport

'Eja dhe ma thuaj në fytyrë', Novak Djokovic fiton në Australian Open dhe bën sherr me tifozin (VIDEO)

Novak Djokoviç siguroi një fitore të vështirë në raundin e dytë të Australian Open ndaj favoritit vendas Alexei Popyrin.

Novak Djokovic

Redaksia 17 Janar, 21:13 | Përditesimi: 17 Janar, 21:16

MELBURN - Novak Djokoviç siguroi një fitore të vështirë në raundin e dytë të Australian Open ndaj favoritit vendas Alexei Popyrin, por serbi u konfliktua me një nga tifozët në shkallët e impiantit.

Gjatë fitores 6-3 4-6 7-6(4) 6-3, Djokoviç u përball me një spektator dhe i tha tifozit në fjalë të zbriste dhe t'i thoshte atë që donte në fytyrë. "Dua të them, ju nuk doni që ta dini", tha Djokoviç kur u pyet nga gazetarët se çfarë i tha atij djaloshi.

“Kishte shumë gjëra që më thuheshin në fushë, veçanërisht nga ai kënd dhe nga e njëjta anë nga këndi tjetër. Unë e tolerova atë në pjesën më të madhe të ndeshjes. Në një moment e pyeta nëse dëshiron të zbresë dhe ta tregojë në fytyrë. Kur përballesh me dikë, për fat të keq ai nuk pati guximin të zbriste… nëse je një njeri kaq i ashpër, djalë i ashpër, zbrit dhe ma trego fytyrën time dhe le të diskutojmë për këtë", tha numri një i botës në tenis.

LEXO EDHE:
Tenis/ Numri 2 i botës pozitive me doping, pezullohet me një muaj

Djokoviç, i cili ka një rekord prej 24 titujsh në Grand Slam për meshkuj, duke përfshirë një rekord me 10 tituj në "Australian Open", tha se përballja me tifozin mund të kishte ndezur diçka tek ai, pasi ai më parë ndihej "mjaft i qetë" në disa pjesë të ndeshjes.

36 vjeçari dukej larg nga forma e tij më e mirë, por Djokovic ishte në gjendje të reagonte në pjesën e dytë të ndeshjes për të vazhduar vrapimin e tij për titullin e 11-të të Australian Open për meshkuj.