Pandemia e COVID-19, goditi ndjeshëm bizneset në vitin 2020, të cilat kanë realizuar 948 milionë euro më pak shitje se në 2019. Sektori më i goditur ka qenë industria nxjerrëse me 261 milionë euro humbje. Ndërkohë sipas të dhënave të INSTAT ndërtimi ishte sektori që mundi pandeminë dhe arriti të sigurojë 70 milionë euro më shumë nga shitjet.
Situata e paprecedentë e krijuar nga pandemia e COVID-19, i ka shkaktuar 948.2 milionë euro dëm ndërmarrjeve në vend, të cilat si pasojë e krizës kanë bërë më pak shitje. Kjo ulje e aktivitetit të tyre ka bërë që më shumë se 1500 biznese të mbyllin aktivitetin, dhe të dalin nga tregu si të papunë më shumë se 27 mijë punonjës.
Industria nxjerrëse ka pasur humbjet më të mëdha në vitin e kaluar, me rreth 261 milionë euro. Sipas të dhënave të INSTAT, në këtë sektor kanë kryer shitje gjatë 2020, 680 ndërmarrje dhe në raport me vitin 2019, janë mbyllur vetëm 8 kompani.
Humbjet e këtij sektori si pasojë e pandemisë ishin të njoftuara edhe nga qeveria, kryesisht në sektorin e naftës ku prodhimi mbeti stok, dhe çmimi ra si pasojë e mungesës së konsumit. Nga ana tjetër humbje ka pasur edhe tek sektori minerar dhe për këtë shkak Kuvendi miratoi ndryshimin e ligjit për taksat kombëtare, për heqjen e rentës minerare për metalorët deri në vitin 2023, ndërsa nga viti 2024 taksa do jetë e reduktuar.
Ndërmarrjet e akomodimit dhe restoranteve, renditen në vend të dytë për humbjet në shitje me minus 139.1 milionë euro, për shkak se turizmi ishte ndër sektorët më të goditur nga pandemia.
Tregtia është sektori tjetër që ka pasur humbje të konsiderueshme, pasi shitjet e sektorit janë tkurrur me 112.7 milionë euro. Edhe pse gjatë periudhës së parë të pandemisë tregtia e mallrave vijoi, ka pasur kërkesë më të ulët e prodhim të reduktuar.
Në këtë linjë në vitin që lamë pas industria e përpunimit ka humbur 100.7 milionë euro si pasojë e reduktimit të shitjeve, ndjekur nga transporti e komunikimi me humbje 96 milionë euro dhe energjia elektrike me -74.3 milionë euro më pak shitje.
I vetmi sektor që lulëzoi në pandemi ka qenë ndërtimi, që nuk e ndali aktivitetin e tij, dhe sipas të dhënave të INSTAT shitjet e këtij sektori u rritën me 70.6 milionë euro në vitin e kaluar.
Lajme të tjera
-
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Tatimet: Shtyhet deri më 20 nëntor afati i dorëzimit të të dhënave të pronësisë dhe kontratës së qirasë për vendushtrimin e aktivitetit ekonomik në e-Filing
25 Tetor, 10:46 -
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Moody’s rishikon në rritje ekonominë shqiptare, nga 'pozitive' në të 'qëndrueshme'! Malaj: Ndikim ulja e borxhit, rritja e investimeve
19 Tetor, 14:09 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Ekonomia këtë vit rritet me 3.3%, por sfidë serioze emigrimi! Banka Botërore: Kapitali njerëzor bërthama e zhvillimit të Shqipërisë në të ardhmen
17 Tetor, 18:59
