"Ekonomiku" bojkoton sërish
provimet: Prishni godinën pa leje!

TIRANË - Pedagogët dhe studentët e Fakultetit të Ekonomisë edhe gjatë ditës së sotme kanë bojkotuar provimet e vjeshtës dhe seancat për mbrotjen e temave të diplomës.

Shkak për këtë bojkot është kërkesa e drejtuesve të këtij fakulteti për prishjen e një godine, që po ndërtohet sipas tyre në territorin e këtij institucioni dhe ka një vendim gjykate për pezullimin e punimeve.

Një ditë më parë ata tubuan para fakultetit, ndërsa sot ka qenë dekani i këtij fakulteti, Sulo Haderi, i cili u kërkoi instancave përgjegjëse të zbatojnë menjëherë vendimin e gjykatës, pasi në të kundërt bojkoti do të vazhdojë gjatë.

Ndërkohë më parë, pronarët e pallatit që është në ndërtim e sipër shprehen se ata posedojnë të gjithë dokumentacionin e nevojshëm për ndërtimin e kësaj godinë, ndërsa shtoi se ka dhe një vendim gjykate, që lejon vijimësinë e këtyre punimeve.

Redaksia Online
(mag/shqiptarja.com)