Ekskluzive/ Enveri në 1944: Ja si
duhet të funksionojnë burgjet tona

TIRANE- Në dhjetor 1944, menjëherë pas çlirimit të vendit, një urdhër i dalë nga Komanda e Përgjithshme e Ushtrisë Nacional Çlirimtare Shqiptare, paralajmëronte sigurinë e lartë në burgjet e regjimit të ri që po lindte.  Si do të funksiononin burgjet në Shqipërinë e pasluftës?

Kjo urdhëresë e Enver Hoxhës parashikon të gjithë detajet e funksionimit të burgjeve, nga drejtori, komandanti  i burgut, kontrolli i imtësishëm i të burgosurve dhe survejimi i kujdesshëm i të gjithë vizitave dhe bisedave mes të burgosurve dhe të afërmve… po ashtu detaje të hollësishme parashikon kjo urdhëresë, për heqjen e sendeve personale, regjistrimin e tyre, kontrollin e ushqimeve që u sillet të burgosurve nga të afërmit, apo mënyrës si do të nxirren për ajrim të burgosurit.

Dokumenti i plotë i zbardhur më poshtë sipas origjinalit që ruhet në QSH në fondin 41, dëshmon për paranojën e udhëheqësve të rinj komunistë dhe kujdesin e tyre për të parandaluar çdo rast arratisjeje dhe për të ngritur burgje të një sigurie të lartë.