Kushtetuesja rrëzon vendimin e Qeverisë për shkarkimin e kreut të Bashkisë së Vaut të Dejës, Hila! Organizoi djegien e materialeve zgjedhore në KAZ-në Bushat në 2019-n

Gjykata Kushtetuta ka pranuar kërkesën e ish-kreut të Bashkisë së Vaut të Dejës, Zef Hila, dhe ka shfuqizuar vendimin e Këshillit të Ministrave për ta shkarkuar. Gazetari i Report Tv, Arsen Rusta, ka siguruar vendimin e plotë të Kushtetueses që thotë se është shkelur e drejta e Zef Hilës për t’u njoftuar dhe për t’u dëgjuar. 

"Si përfundim,  Gjykata, bazuar në analizën e të gjitha pretendimeve të kërkuesit, vlerëson se kërkesa e tij duhet pranuar në objektin e saj, pasi është cenuar procesi i rregullt ligjor në aspektet e së drejtës për t’u njoftuar dhe për t’u dëgjuar, si dhe të standardit të arsyetimit të vendimit", thuhet ndër të tjera në vendim.

Kreu i bashkisë së Vaut të Dejës, Zef Hila u shkarkua pas sulmeve të dhunshme të ndodhura në mbrëmjen e 27 qeshorit 2019 në KZAZ nr. 6 në Bushat.

Atëherë rreth 250 militantë të Partisë Demokratike i vunë flakën me bomba molotov KZAZ-së. Nga sulmi, KZAZ-ja ka shpërthyer në flakë duke shkatërruar materialet e votimit, e për pasojë la të plagosur tre efektivë të Policisë së Shtetit

Lidhur me vendimin e shkarkimit të Hilës nga detyra, Rama më herët u shpreh se Hila jo vetëm do shkarkohej por edhe do të ndiqej penalisht, duke paralajmëruar se kush do që do ndjekë shembullin e tij do të ketë të njëjtin fat dhe të vihet përpara drejtësisë.

Ka qenë ish ministri i Brendshëm Sandër Lleshaj që kishte propozuar shkarkimin e Hilës, pas sulmeve të dhunshme të ndodhura në KZAZ nr 6 në Bushat ku u dogjën materialet zgjedhore dhe mbetën të plagosur tre efektivë policie. Vetë Hila në një prnoncim për Report Tv deklaroi se nuk ka pasur asnjë lidhje me organizimin e protestës.

(Kliko këtu për vendimi e plotë të Gjykatës Kushtetuese)

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit