VIDEO
Disa gjyqtarë thonë se nuk e kanë ditur se kishin edhe një apartament tjetër në bashkëpronësi, ndërsa dikush tjetër deklaron se bashkëjetuesja e tij bën 7 punë njëherësh. Shqiptarja.com u referohet vetëm deklaratave së pasurisë për vitin 2016 dhe jo deklaratave fillestare apo deklaratave të viteve të ndërmjetëm, çka do të thotë se, pasuria e pasqyruar është vetëm një pjesë e pasurisë reale që posedojnë gjyqtarët.
Artan Gjermeni
Gjatë vitit 2016, gjyqtari i Gjykatës së Tiranës, Artan Gjermeni, deklaron katër pasuri të reja të paluajtshme, konkretisht terren sportiv, lokal, tokë bujqësore dhe shtëpi banimi. Gjyqtari deklaron një shtëpi banimi në Lushnje, me sipërfaqe 74 m2, me dëshmi trashëgimie, 66.6 % të pjesës.
Gjermeni është gjithashtu pronar në masën 100 % i një toke bujqësore, me sipërfaqe 1 856 m2, në fshatin Kutje të Lushnjes, përfituar me dëshmi trashëgimie. Ai deklaron se posedon 20 % të një terreni sportiv, me sipërfaqe 1 092 m2, i mbuluar dhe me dhoma zhveshje.
Po gjatë vitit 2016, gjyqtari është bërë bashkëpronar në masën 20 % i një tjetër pasurie të paluajtshme, ku përfshihen truall me sipërfaqe 450 m2 dhe ndërtesë, bar kafe, 1 kat me sipërfaqe 90 m2. Në deklaratën e pasurisë nuk të dhëna për vendndodhjen e terrenit sportiv dhe lokalit. Gjyqtari ka gjithashtu në pronësi një dyqan me sipërfaqe 40 m2, në Tiranë, të cilin e ka dhënë me qira si dhe një zyrë në qytetin e Lushnjes, dhënë gjithashtu me qira.
Artan Gjermeni deklaron rreth 370 mijë USD depozita dhe llogari bankare, konkretisht depozitë në vlerën 18 586 203 lekë, depozitë të bashkëshortes, në vlerën 16 537 246 lekë, llogari bankare, shtuar me 3 489 181 lekë në 2016, llogaria e rrjedhëse 1 049 272 lekë etj. Duke përfshirë pagat, të ardhurat nga qiratë, shtesat dhe gjendjet në llogari dhe depozita bankare, shuma arrin mbi 450 mijë USD.
Çuditë e drejtësisë
Gjyqtarja e Gjykatës së Tiranës, Anila Capo, deklaron një overdraft në Bankën Credins, me një vlerë të pazakontë, 1 700 000 lekë. Bashkë me bashkëshortin zonja ka marrë edhe 300 mijë euro kredi në Bankën Amerikane të Investimeve. Ata kanë marrë edhe një kredi në Bankën Credins, 130 mijë euro si dhe një huamarrje personale 13 mijë euro.
Bashkëshorti i gjyqtares, Sejdin Zere, rezulton administrator i pesë kompanive, ku deklaron 1 967 424 lekë pagën dhe 3 875 081 lekë fitime. Kurse, Ken Dhima, gjyqtar pranë Gjykatës Administrative në Vlorë, deklaron një apartament banimi me sipërfaqe 51,65 m2, sipas vërtetimit të dokumentit hipotekor datë 01.03.2014, për të cilin gjyqtari thotë se nuk e ka ditur se kishte 1/5 e pasurisë.
Në mars të vitit 2014, ILDKP e kallëzoi penalisht Ken Dhimën për deklarim të rremë, fshehje të pasurive dhe për mosmbulim të vlerës së krijimit të aseteve dhe shpenzimeve me burime të ligjshme për vitet 2005, 2007 dhe 2008.
Bashkëjetuesja që bën 7 punë
Alma Osmanaj, bashkëjetuesja e gjyqtarit të Gjykatës së Tiranës, Bledar Abdallai, rezulton me të ardhura nga shatë punë të ndryshme, brenda dhe jashtë vitit, në sektorin provat dhe publik. Për vitin 2016, ajo deklaron 13 049 443 lekë ose rreth 100 mijë euro të ardhura si notere në Tiranë, 3 047 836 lekë të ardhura nga paga në Ministrinë e Drejtësisë, 94 237 lekë të ardhura nga paga si juriste pranë QSUT, 17 100 lekë të ardhura si pedagoge pranë ‘Albanian University”, 73 mijë USD të ardhura nga punësimi jashtë vendit, 1 350 euro të ardhura nga punësimi pranë Projektit të Grupit të Krizave Ndërkombëtare dhe 3 mijë euro të ardhura nga shërbimi lidhur me ReSPA, financim nga BE. Mbetet e paqartë se si zonja në fjalë ka punuar njëherësh në dy institucione publike siç është QSUT dhe Ministria e Drejtësisë.
Gjithashtu duket e habitshme se si ajo ka punuar njëherësh në QSUT, Ministrinë e Drejtësisë, jashtë vendit, si notere në Tiranë etj. Ndërkaq, Alma Osmanaj deklaron apartament në Tiranë, me sipërfaqe 118 m2, me vlerë 7 758 900 lekë, garazh në Tiranë me vlerë14 500 euro, makinë tip Toyota me vlerë 1 400 000 lekë dhe apartament në Golem me vlerë 50 mijë euro.
Shitblerjet e pasurive
Ilir Çeliku, ish-gjyqtar i Apelit në Vlorë, deklaron se gjatë vitit 2016, ka shitur pasuri të paluhatshme në në Tiranë, në vlerën 250 mijë euro. Gjyqtarja Aantoneta Prendi ka shitur një pasuri të paluajtshme të paspecifikuar, për të blerë një apartament në Tiranë, me sipërfaqe 86 m2, me vlerë 69 690 euro. Ndërsa Enkeleda Kapedani, gjyqtaren në Gjykatën e Elbasanit ka shitur tokë arë në Golem, me vlerë 1 400 000 lekë. Gjyqtarja e Beratit thotë se ka marrë një hua pa afat për blerjen e një apartamenti.
Pasuritë e disa gjyqtarëve të shkallës së parë dhe apelit
Artan Gjermeni, Gjykata e Tiranës (2016)
Shtëpi banimi në Lushnje, 74 m2, me dëshmi trashëgimie, 66.6. % të pjesës.
Tokë bujqësore me sipërfaqe 1 856 m2, në fshatin Kutje të Lushnjes, me dëshmi trashëgimie, 100 % të pjesës.
Truall dhe ndërtesë, terren sportiv, i mbuluar dhe me dhoma zhveshje, me sipërfaqe 1 092 m2, (1 kat 56 m2), fituar me dëshmi trashëgimie, 20 % të pjesës.
Truall me sipërfaqe 450 m2 dhe ndërtesë, bar kafe, 1 kat me 90 m2, fituar me trashëgimi në 2016, 20 % të pjesës.
Të ardhura nga qira e dyqanit në Tiranë, me sipërfaqe 40 m2, 120 000 lekë.
Të ardhura nga qiraja e zyrës në Lushnje, 210 000 lekë.
Llogari bankare, shtuar në 2016 me 3 489 181 lekë.
Depozitë bankare në Raiffesien Bank, vlerën 18 586 203 lekë
Depozitë bankare në Raiffesien Bank e bashkëshortes, 16 537 246
Llogaria e rrjedhëse e pagës dhe shpërblimeve në Credins Bank, 1 049 272 lekë.
Kartë krediti me limit, 50 000 lekë.
Llogari e rrjedhëse në emër të djalit, 4 438 dhe 13 138 lekë.
Llogari e rrjedhëse e bashkëshortes si notere, 319 188 lekë.
Të ardhura nga paga, 1 372 511 lekë.
Të ardhura nga paga e bashkëshortes si notere, 5 111 297 lekë.
Të ardhura nga paga e djalit si këshilltar ligjor pranë... 234 432 lekë.
Bledar Abdallai, Gjykata e Tiranës
Paga si gjyqtar, 1 136 590 lekë.
Pjesëmarrje në mbledhjet e Komisionit të Apelit të FSHF, 51 000 lekë.
Bashkëjetuesja, Alma Osmanaj, apartament në Tiranë, me sipërfaqe 118 m2, 7 758 900 lekë.
Garazh në Tiranë, me sipërfaqe 20 m2, 14 500 euro,
Makinë tip Toyota, 1 400 000 lekë.
Apartament me sipërfaqe 98 m2, në Golem, 50 mijë euro.
Llogari kursimi, 65 092 lekë.
Llogari kursimi, 3 451 USD.
Llogari kursimi, 1 001 euro.
Të ardhura si notere në Tiranë, 13 049 443 lekë.
Të ardhura nga paga në Ministrinë e Drejtësisë, 3 047 836 lekë.
Të ardhura nga paga si juriste pranë QSUT, 94 237 lekë.
Të ardhura si pedagoge pranë ‘Albanian University”, 17 100 lekë.
Të ardhura nga punësimi jashtë vendit, 73 845 USD.
Të ardhura nga punësimi pranë Projektit të Grupit të Krizave Ndërkombëtare, 1 350 euro.
Të ardhura nga qira, 3 600 euro.
Të ardhura nga shërbimi lidhur me ReSPA, financim nga BE, 3 mijë euro.
Anila Capo, Gjykata e Tiranës (2016)
Overdraft në Bankën Credins, 1 700 000 lekë.
Hua në Bankën Amerikane të Investimeve, 300 mijë euro.
Paga si gjyqtare, 1 383 660 lekë.
Llogari bankare, 94 757 lekë.
Llogari bankare, 55,92 GBP.
Llogari bankare, 814 lekë.
Llogari bankare, 1 160 lekë.
Llogari bankare, 1 704 lekë, minus 2 348 euro, 8 209 lekë, 2 997 lekë.
Bashkëshorti, Sejdin Zere, paga si administrator i pesë kompanive, 1 967 424 lekë.
Fitimi nga aktiviteti i 5 kompanive, 3 875 081 lekë.
Të ardhura nga kontrata e qerasë me shoqërinë..., 20 400 euro.
Pagesë e shpronësimit në favor të S. Zere, 34 200 000 lekë.
Kredi personale në Bankën Credins, 130 mijë euro, detyrimi i mbetur 125 962 lekë.
Huamarrje personale 13 mijë euro, detyrimi i mbetur 6 500 euro.
Lajme të tjera
-
EKSKLUZIVE/ Shërbimet sekrete: Gjyqtari Ken Dhima 4 vite korrupsion, gjyqtarja Mimoza Brahimi lidhje me krimin e organizuar
1 Qershor 2022, 16:59
-
U shkarkua për 550 mijë USD pasuri të ‘zezë’, si e shpëtoi KLD-ja e Berishës gjyqtaren Klorinda Çela në 2014! Sot kallëzohet në SPAK, ja biznesmeni që e ‘mbuloi’ me para
28 Dhjetor 2021, 16:35
-
DREJTËSIA/ Pas Ken Dhimës, drejt shkarkimit edhe gruaja e tij gjyqtare, nuk justifikon 550 mijë USD asete! Historia dhe ‘bëmat’ e çiftit
27 Tetor 2021, 15:23 -
Biznesmeni Ahmet Muça ‘mbuloi’ me para gjyqtarin Ken Dhima, zbulohen pagesat për pushime, udhëtimet turistike dhe dhurata deri në 20 mijë euro
27 Shtator 2021, 17:09
-
Fshehu miliona/ Shkarkohet nga detyra gjyqtari Ken Dhima, bëmat e ‘rebelit’ të Vlorës nga shpërthimi kundër Soros tek përleshjet e fundit në gjykatë
29 Korrik 2021, 19:27
-
Dhurata dhe 600 mijë USD tepër, ‘rebeli’ i Vlorës Ken Dhima drejt shkarkimit, u ‘sëmur’ për t’i ikur Vetingut të cilin në 2018 e shpalli Sorosian, si e shpëtoi 2 herë KLD
28 Korrik 2021, 10:13
-
‘Soros ka pushtuar Shqipërinë’, ‘rebeli’ Ken Dhima del para Vetingut, Gjonaj kërkoi shkarkimin në 2018, e shpëtoi KLD-ja, i kallëzuar për pasurinë
26 Korrik 2021, 16:09
-
Dosjet ‘e nxehta’ të Vetingut që do tronditin drejtësinë në 2021, nga Fatmira Hajdari, Alaudin Malaj, Besim Hajdarmataj, Beçaj tek Lazër Sallaku
5 Janar 2021, 15:56
-
Rinis Vetingu me Donika Prelën dhe Vojsava Osmanajn, dosjet e 'nxehta' të vjeshtës
31 Gusht 2020, 19:12
-
Korrupsion dhe seks / ‘Bëmat’ e gjyqtarëve dhe prokurorëve të radhës para Vetingut, përballjet e bujshme në vjeshtë
4 Gusht 2020, 18:55
