TIRANË- 2 ditë pas atentateve terroriste në Vjenë arrestohet në Tiranë në rrugën "Ndre Mjeda", Erald Alihmemeti. Eraldi është vëllai i Sajmir Alihmemetit terorristit shqiptar të arrestuar nga FBI në USA dhe dënuar në Amerikë. Arrestimi i Erald Alihmemetit në Tiranë u bë pasditen e 4 nëntorit.

Policia shqiptare pas rritjes së nivelit të alarmit për sulme te mundshme në Tiranë e ka ndaluar për verifikim. Ky person ka kundërshtuar arrestimin duke dhunuar dy policët e patrullës të cilët e kanë ndaluar për kontroll. Aktualisht gjykata e Tiranës ndaj tij ka caktuar masën e sigurisë arrest në burg. Erald Alihmemeti u arrestua edhe në 2015 për armbajtie pa leje. Vëllai i tij Saimir Alihmemeti është dënuar me 22 vite në USA.

Report Tv mëson se ndalimi i Erlad Alihmemetit është bërë fillimisht për mosmbajtie maske, më pas është proceduar për dhunë ndaj policëve dhe po verifikohet si person që ka lidhje me rrymat ekstremiste të sulmeve në Vjenë. Anti-Terrori shqiptar është paralajmëruar me disa informacione të klasifikuara për aktivitetet që cenojnë rendin e sigurinë në Shqipëri për 30 shtetas. Një prej tyre dhe i arrestuari Erald Alihmemeti.